Mich­ael Bloomberg hefur til­kynnt um að hann sé með í kosn­inga­bar­átt­unni í Banda­ríkj­un­um.

Bloomberg er einn rík­asti maður ver­ald­ar, en hann er núm er 14 á lista For­bes yfir rík­asta fólkið með eignir upp á 58 millj­arða Banda­ríkja­dala, eða sem nemur um sjö þús­und millj­örðum króna. 

Stærstur hluti eigna hans er bund­inn í hluta­fjár­eign í fyr­ir­tæk­inu sem hann stofn­aði og byggði upp, fjöl­miðla og fjára­mála­fyr­ir­tæk­inu Bloomberg. 

Bloomberg er 77 ára gam­all, en hans helst mark­mið er að koma í veg fyrir að Don­ald Trump nái end­ur­kjöri í for­seta­kosn­ing­unum í nóv­em­ber á næsta ári. 

Óhætt er að segja að margir frétta­skýrendur í Banda­ríkj­unum efist um að Bloomberg geti náð kjöri, eða yfir höfuð haft góð áhrif á mögu­leika Demókrata til að ná byr í seglin í kosn­inga­bar­átt­unn­i. 

Á vefnum FiveT­hir­tyEight segir að lík­urnar séu ekki miklar á góðum árangri Bloomberg.

Mót­fram­bjóð­endur meðal Demókrata hafa brugð­ist við fram­boð­inu, með því að benda á að það sé ekki gott fyrir stjórn­mála­lands­lagið í Banda­ríkj­unum að fá fram millj­arða­mær­ing, sem horfi niður til almenn­ings og skilji ekki mik­il­vægi þess að byggja upp bak­land með gras­rót­ar­starf­i. 

Bernie Sand­ers gagn­rýndi Bloomberg harð­lega strax eftir að ljóst varð, að honum væri alvara með fram­boði sín­u.