Hættan á pen­inga­þvætti var kveikjan að því að milli­færslur á fjár­magni voru stöðv­að­ar. Norski bank­inn DNB, sem norska ríkið á ríf­lega þriðj­ungs­hlut í, taldi að tvö félög í eigu Sam­herja, gætu verið notuð í pen­inga­þvætt­i. 

Bank­inn brást hins vegar ekki við áhættu­merkj­un­um, úr eigin eft­ir­liti, fyrr en banda­ríski bank­inn Bank of New York Mellon stöðv­aði milli­færslu til Banda­ríkj­anna í fyrra. 

DNB hafði þá kom­ist að því, að upp­lýs­ingar um raun­veru­lega eig­endur félags­ins væru ekki fyrir hend­i. 

Þetta kemur fram í gögnum sem Wiki­leaks hefur birt, og Stund­in, Kveikur og norska rík­is­út­varpið NRK eru nú með til umfjöll­un­ar. 

Fjallað verður um þessi máli í Kveiki í kvöld.

Í frétt sem birt hefur verið á vef RÚV kemur fram að DNB hafi ekki viljað veita við­tal vegna máls­ins, en að skoðun á mögu­legum brota­lömum vegna pen­inga­þvættis séu í for­gangi.

Fjallað verður um Sam­herj­a­skjölin í Kveiki í kvöld, og meðal ann­ars fjallað um eft­ir­mál­anna af afhjúp­andi umfjöllun í þætt­inum í síð­ustu viku, þar sem fjallað var um meint skattaund­anskot, mútu­greiðslur og pen­inga­þvætt­i.