Sex ein­stak­lingar voru hand­teknir í dag, í tengslum við rann­sókn á Sam­herj­a­skjöl­unum og spill­ingu er teng­ist úthlutun afla­heim­ilda í Namib­íu. 

Frá þessu var greint í fréttum RÚV í kvöld. 

Þeir sem voru han­tekn­ir, að því er fram kom í umfjöllun RÚV, vor­u Sacky Shang­hala, fyrr­ver­andi dóms­mála­ráð­herra, James Hatuikulipi, sem hætti sem stjórn­ar­for­maður namibísku rík­is­út­gerð­ar­innar Fis­hcor í síð­ustu viku, Bern­hardt Esau, sem sagði af sér sem sjáv­ar­út­vegs­ráð­herra á sunnu­dag­inn, Tam­son 'Fitty' Hatuikulipi, tengda­sonur Esau sem jafn­framt er frændi James Hatuikulipi, Ricardo Gusta­vo, sam­starfs­maður hans og Pius 'Taxa' Mwa­telu­lo, sem einnig teng­ist James Hatuikulipi fjöl­skyldu­bönd­um. 

Heim­ilt er að halda þeim í tvo sól­ar­hringa áður en þeir eru leiddir fyrir dóm­ara, en mögu­legt er að þeir verði látnir lausir gegn greiðslu trygg­ing­ar­fjár­hæð­ar. Paulus Noa, yfir­maður ACC, spill­ing­ar­lög­reglu Namib­íu, segir að lík­lega verði þeim birt ákæra á morg­un. 

Yfir­völd í Namib­íu, Íslandi og Nor­egi rann­saka nú ýmsa þætti sem tengj­ast starf­semi Sam­herja í Namib­íu, og eru þar á meðal upp­lýs­ingar um mútu­greiðsl­ur, skattaund­an­skot og pen­inga­þvætt­i. 

Eng­inn hefur enn fengið stöðu grun­aðs manns á Íslandi vegna þessa, og hafa ekki farið fram neinar form­legar yfir­heyrslur vegna rann­sóknar mála.