Hóp­ur­inn sem stendur að stofnun nýja lág­far­gjalda­flug­fé­lags­ins Play hefur boð­ist til að minnka þann eign­ar­hlut sem hann ætl­aði sér að taka í félag­inu, tak­ist að fjár­magna það, úr 50 pró­sent í 30 pró­sent. Frá þessu er greint í Mark­aðnum, fylgi­riti Frétta­blaðs­ins um við­skipti og efna­hags­mál, í dag.

Erf­ið­lega hefur gengið að sækja þann 1,7 millj­arð króna sem þarf til að koma Play í starf­semi. Fjár­magnið þarf að koma frá nýjum hlut­höfum og upp­haf­leg áform stofn­enda félags­ins gengu út á að þeir myndu fá helm­ing í Play á móti stjórn­end­un­um. Búið er að kynna áformin fyrir stórum hópi fjár­festa, að mestu úr ferða­þjón­ustu­geir­anum en einnig fag­fjár­festum á borð við trygg­inga­fé­lögum og líf­eyr­is­sjóð­um. Á þeim fjár­festa­fundum hafa áformin verið gagn­rýnd fyrir þann stóra hlut sem stjórn­end­urnir ætla sér í félag­inu án þess að leggja til fjár­magn, að flug­rekstr­ar­reynsla þeirra sé ekki sér­stak­lega mikil og að mikil vænt­inga­bólga sé í rekstr­ar­á­formun­um, sem gera ráð fyrir að fjár­fest­ing væntra hlut­hafa marg­fald­ist á örfáum árum.

Til stóð að Play myndi hefja far­miða­sölu í nóv­em­ber en á laug­ar­dag­inn, sem var síð­asti dagur þess mán­að­ar, var greint frá því í stöðu­upp­færslu á Face­book-­síðu félags­ins að henni hefði verið frestað. „Þar sem við erum sprota­­fyr­ir­tæki þá geta hlut­irnir tekið aðeins lengri tíma en áætlað er, þar sem það þarf að ganga frá ýmsum hlut­u­m,“ sagði í færsl­unni.

Ætla að gera félagið tvisvar sinnum verð­mæt­ara en Icelandair

Kjarn­inn greindi frá því 8. nóv­em­ber síð­ast­lið­inn að áform Play gerðu ráð fyrir því að innan þriggja ára verði félagið komið með tíu flug­­­vélar í rekstri og að verð­mið­inn á félag­inu, miðað við rekstr­­­ar­hagnað fyrir fjár­­­­­magnsliði og afskriftir (EBID­T.) upp á 100 millj­­­ónir Banda­­­ríkja­dala, eða um 12,5 millj­­­arða króna, geti numið um 630 millj­­­ónum Banda­­­ríkja­dala, eða sem nemur um 78 millj­­­örðum króna, í lok árs 2022. 

Til sam­an­­­burðar er Icelanda­ir, með verð­miða upp á 42,5 millj­­­arða króna, miðað við verðið eins og það var við lokun mark­aða í gær.

Hafa tryggt sér lánsfé ef þeir tryggja sér hlutafé

Play seg­ist hafa þegar tryggt sér 40 milljón evra, um 5,5 millj­­arða króna, láns­fjár­­­mögnun frá breska fjár­­­fest­ing­­ar­­sjóðnum Athene Capital, sem hefur á móti kaup­rétt á tíu pró­­sent hlut í flug­­­fé­lag­inu. Sú fjár­­­mögnun er stækk­­an­­leg upp í 80 millj­­ónir evra, um ell­efu millj­­arða króna, að ákveðnum skil­yrðum upp­­­fyllt­u­m. Láns­féð er þó ekki aðgengi­legt nema að það tak­ist að safna áður­nefndu hluta­fé. Sömu sögu er að segja með flug­rekstr­ar­leyfi frá Sam­göngu­stofu, það mun ekki fást nema að sýnt verði fram á rekstr­ar­hæfi.

Að stofnun Play standa Arnar Már Magn­ús­son, for­stjóri Play, Sveinn Ingi Stein­þór­s­­­­­son, sem verður fjár­­­­­­­­­mála­­­­­stjóri, Bogi Guð­­­­­munds­­­­­son, sem mun halda utan um sölu-, mark­aðs- og lög­­­­­fræð­is­við­ið, og Þóróddur Ari Þór­odds­­­­­son, sem verður meið­eig­andi. Þeir mynda hóp­inn sem ætl­aði sér helm­ings­eign í Play en hefur nú dregið úr þeim vænt­ingum sín­um.