Úrskurð­ar­nefnd um upp­lýs­inga­mál hefur kom­ist að þeirri nið­ur­stöðu að RÚV hafi verið heim­ilt að leyfa umsækj­endum um starf útvarps­stjóra að njóta nafn­leynd­ar. Þetta kemur fram í til­kynn­ingu frá RÚV.

Þar segir enn fremur að ákvörðun stjórnar RÚV um að birta ekki nöfnin hafi verið kærð til úrskurð­ar­nefnd­ar­innar á þeim for­sendum að upp­lýs­inga­lög skyld­uðu stofn­un­ina til að birta nöfn umsækj­enda. Nú hafi það hins vegar verið stað­fest að svo sé ekki, þar sem starfs­fólk RÚV eru ekki opin­berir starfs­menn.

Í til­kynn­ing­unni segir að rétt sé að upp­lýsa að sú ákvörðun stjórnar að birta ekki nöfn umsækj­enda hafi verið tekin að vand­lega athug­uðu máli og með hags­muni almenn­ings í huga. „Trún­aður um nöfn umsækj­enda er að mati ráð­gjafa í ráðn­inga­málum mik­il­vægur til að hámarka gæði umsókna. Slíkur trún­aður dregur ekki úr gagn­sæi umsókna og ráðn­ing­ar­ferl­is­ins, en eykur þvert á móti trú­verð­ug­leika þess gagn­vart umsækj­endum sem þurfa ekki að taka þá áhættu að starfs­um­sókn valdi þeim tjóni á öðrum vett­vang­i.“

Útvarps­stjóri er ábyrgur fyrir dag­­legri stjórnun RÚV, stærsta fjöl­miðla­­fyr­ir­tækis lands­ins, og ber ábyrgð á rekstri þess. Það er stjórn RÚV sem ræður hann.

Þann 1. nóv­­em­ber síð­­ast­lið­inn var greint frá því að Magnús Geir Þórð­­ar­­son, sitj­andi útvarps­­­stjóri, hefði verið skip­aður þjóð­­leik­hús­­stjóri. Hann hafði þá setið í Efsta­­leiti frá því snemma árs 2014 og stjórn RÚV hafði fyrr á þessu ári ákveðið að fram­­lengja fimm ára ráðn­­ing­­ar­­tíma­bil Magn­úsar Geirs um önnur fimm ár.

Starfið var aug­lýst laust til umsóknar 16. nóv­em­ber síð­ast­lið­inn og frestur til að sækja um það upp­haf­lega sagður til 2. des­em­ber. Hann var síðan fram­lengdur um viku. Stjórn RÚV ákvað að leynd skyldi ríkja um hverjir myndu sækja um. Ákvörð­unin var rök­studd þannig að ef það yrði gert opin­bert myndu hæfir umsækj­endur veigra sér við að sækj­ast eftir starf­in­u. 

Hæfn­i­­kröf­ur, sem til­teknar voru í aug­lýs­ingu, voru háskóla­­menntun sem nýt­ist í starfi, en ekki var til­­­tekið hvaða stigi háskóla­­mennt­unar umsækj­andi þarf að vera búin að ljúka. Þá var gerð krafa um reynslu af stjórnun og rekstri, leið­­toga­hæfi­­leika og góða hæfni í mann­­legum sam­­skipt­um, skiln­ing og áhuga á nýjum miðlum og reynslu af stefn­u­­mót­un­­ar­vinnu, nýsköpun og inn­­­leið­ingu stefnu. Við­kom­andi þarf auk þess að vera með þekk­ingu og reynslu af fjöl­mið­l­um, menn­ingu og sam­­fé­lags­­mál­um, þarf að búa yfir góðri tung­u­­mála­kunn­áttu og góðri hæfni til að tjá sig í ræðu og rit­i.