Ell­efu hags­muna­sam­tök á vinnu­mark­aði hafa sent frá sér sam­eig­in­lega yfir­lýs­ingu, þar sem segir að ekki sé hægt að sam­þykkja frum­varp Krist­jáns Þórs Júl­í­us­son­ar, sjáv­ar­út­vegs- og land­bún­að­ar­ráð­herra, í núver­andi mynd. 

Um er að ræða frum­varp sem nú liggur fyrir um breyt­ingu á búvöru­lögum og tolla­lög­um.

Á meðal sam­taka sem standa að yfir­lýs­ing­unni eru Félags atvinnu­rek­enda og Bænda­sam­tök Íslands. „Nauð­syn­legt er að vinna málið áfram og finna því heppi­legri far­veg, m.a. til að bregð­ast við ­mögu­legum frá­vikum sem alltaf kunna að koma upp í búvöru­fram­leiðslu, sem háð er veð­ur­fari og öðrum ytri aðstæð­um. Und­ir­rit­aðir aðilar vilja gjarnan koma að þeirri vinn­u,“ segir í yfir­lýs­ingu sam­tak­anna.

Sam­tökin sem skrifa undir yfir­lýs­ing­una eru Bænda­sam­tök Íslands, Félag atvinnu­rek­enda, Félag eggja­bænda, Félag kjúklinga­bænda, Félag svína­bænda, Lands­sam­band kúa­bænda, Lands­sam­band sauð­fjár­bænda, Neyt­enda­sam­tök­in, Sam­band garð­yrkju­bænda, Sam­tök iðn­að­ar­ins og Sölu­fé­lag garð­yrkju­manna.

Frum­varpið er samið í atvinnu­vega- og nýsköp­un­ar­ráðu­neyt­inu með hlið­sjón af til­lögum starfs­hóps um end­ur­skoðun á reglu­verki um úthlutun toll­kvóta land­bún­að­ar­vara.