Pen­inga­stefnu­nefnd Seðla­banka Íslands hefur ákveðið að halda vöxtum bank­ans óbreytt­um. Meg­in­vextir bank­ans, vextir á sjö daga bundnum inn­lán­um, verða því áfram 3 pró­sent. Þetta kemur fram í til­kynn­ingu frá Seðla­bank­an­um. 

Sam­kvæmt nýlega birtum þjóð­hags­reikn­ingum var hag­vöxtur 0,2 pró­sent á fyrstu níu mán­uðum árs­ins. Þetta er aðeins meiri vöxtur en Seðla­bank­inn gerði ráð fyrir í nóv­em­ber en í meg­in­at­riðum hefur efna­hags­þró­unin það sem af er ári verið í sam­ræmi við nóv­em­ber­spá bank­ans.

Verð­bólga mæld­ist 2,7 pró­sent í nóv­em­ber og hef­ur, eins og und­ir­liggj­andi verð­bólga, hjaðnað milli mán­aða. Í til­kynn­ingu bank­ans segir að verð­bólgu­horfur hafi lítið breyst frá síð­asta fundi nefnd­ar­innar og verð­bólgu­vænt­ingar eru við mark­mið miðað við flesta mæli­kvarða. Taum­hald pen­inga­stefn­unnar hefur því lítið breyst milli funda.

Þá segir bank­inn að pen­inga­stefnan muni á næst­unni ráð­ast af sam­spili þró­unar efna­hags­um­svifa ann­ars vegar og verð­bólgu og verð­bólgu­vænt­inga hins veg­ar.