Í dag var hald­inn sér­stakur fundur þjóðar­ör­ygg­is­ráðs vegna hinna for­dæma­lausu aðstæðna sem upp hafa komið í fram­haldi af ofsa­veðri und­an­farna daga. 

Gestir fund­ar­ins voru Þór­dís Kol­brún R. Gylfa­dótt­ir, ferð­mála, -iðn­aðar og nýsköp­un­ar­ráð­herra, og Sig­urður Ingi Jóhanns­son, sam­göngu- og sveit­ar­stjórn­ar­ráð­herra, ásamt ráðu­neyt­is­stjór­um.

Þetta kemur fram í til­kynn­ingu frá for­sæt­is­ráðu­neyt­inu.

Þá var full­trúum almanna­varna­deildar Rík­is­lög­reglu­stjóra boðið til fund­ar­ins ásamt full­trúa Slysa­varna­fé­lags­ins Lands­bjargar og Rauða kross Íslands og gerðu þeir grein fyrir stöðu mála, hver á sínu sviði, og sam­vinnu fjöl­margra aðila um land allt. 

Á fund­inum var farið yfir afleið­ingar veð­urs­ins, stöðu mála og næstu skref. „Ljóst er að miklar trufl­anir og bil­anir hafa valdið raf­magns­leysi víða á Norð­ur­landi. Fjar­skipti liggja niðri víða á sama svæði. Um for­dæma­laust ástand er að ræða að þessu leyti og því þótti ráð­legt að boða þjóðar­ör­ygg­is­ráð saman og fara yfir stöð­una sbr. 2. mgr. 6.gr. laga um þjóðar­ör­ygg­is­ráð. Þess er vænst að við­gerðir á flutn­ings­kerfi muni taka nokkra daga,“ segir í til­kynn­ingu frá for­sæt­is­ráðu­neyt­inu.

800 björg­un­ar­sveit­ar­menn að störfum

Staða mála verður rædd enn frekar á vett­vangi rík­is­stjórn­ar­innar á morgun þar sem fjallað verður um nauð­syn­legar aðgerðir til skemmri og lengri tíma lit­ið, segir í til­kynn­ing­u. 

Um 800 björg­un­ar­sveit­ar­menn hafa verið við störf und­an­farna daga vegna óveð­urs­ins, sam­kvæmt upp­lýs­ingum úr stöðu­skýrslu almanna­varna frá því í dag. Þar af hafa 224 komið að leit að pilti í Sölva­dal, sem féll í Núpá þegar hann var að vinna við stíflu í ánn­i.