Lilja Alfreðs­dóttir mennta- og menn­ing­ar­mála­ráð­herra kynnti drög að nýjum þjón­ustu­samn­ingi við Rík­is­út­varpið (RÚV) fyrir rík­is­stjórn í gær. Þetta stað­festir ráðu­neytið í svari við fyr­ir­spurn Kjarn­ans.

Sam­kvæmt lögum ber mennta- og menn­ing­ar­mála­ráð­herra að gera þjón­ustu­samn­ing við RÚV um fjöl­miðlun í almanna­þágu til fjög­urra ára í senn. ­Þjón­ust­u­­samn­ing­ur­inn, sem skil­­greinir hlut­verk, skyldur og umfang RÚV, rennur út í lok þessa árs. Nýr samn­ingur mun taka gildi í byrjun næsta árs.

Sam­kvæmt ráðu­neyt­inu eru skyldur RÚV und­ir­strik­aðar í samn­ingn­um, ­sem og almanna­þjón­ustu­hlut­verk þess, en sér­stök áhersla er lögð á að RÚV styðji við og efli íslenska tungu og menn­ingu lands­ins „enda er sterk staða tungu­máls­ins ein af for­sendum vel­sældar og mennt­un­ar.“

Ótíma­bært að svara hvers kyns breyt­ingar verði á samn­ingnum

Jafn­framt er lögð áhersla á, sam­kvæmt ráðu­neyt­inu, að RÚV verji ákveðnum hluta af tekjum til kaupa á efni frá sjálf­stæðum fram­leið­endum ásamt því að setja reglur um við­skipta­boð.

Í svörun ráðu­neyt­is­ins segir enn fremur að í raun sé ótíma­bært að svara því hvort miklar breyt­ingar verði á samn­ingnum þar sem hann sé nú í vinnslu.

Sam­kvæmt heim­ildum Kjarn­ans er á meðal þess sem undir er í þeirri vinnu fjár­mögnun starf­­semi RÚV og hvort að fyr­ir­tæk­inu verði áfram heim­ilt að sækja sér tekjur á sam­keppn­is­­mark­aði.