Í nær öllum geirum atvinnu­lífs­ins, eða 22 af 29 sam­kvæmt flokkun Hag­stofu Íslands, er störfum að fækka. Sé horft sér­stak­lega til iðn­að­ar, þar sem um 43 þús­und manns falla und­ir, er störfum að fækka nokk­uð, og sætir það tíð­ind­um. 

Þetta er meðal þess sem kemur fram í nýrri grein­ingu Sam­taka iðn­að­ar­ins, um þróun mála í hag­kerf­inu. „Starf­semi fyr­ir­tækja í iðn­aði er fjöl­breyti­leg á sviði fram­leiðslu­iðn­að­ar, mann­virkja­gerðar og hug­verka­iðn­að­ar. Skapar greinin marg­vís­leg störf á fjöl­mörgum sviðum sam­fé­lags­ins bæði beint og óbeint. Fyr­ir­tækin í grein­inni eru af ýmsum stærðum um allt land í útflutn­ingi og þjón­ustu við inn­lendan mark­að. Í ljósi umfangs iðn­aðar sætir það nokkrum tíð­indum að fyr­ir­tæki í helstu greinum iðn­að­ar­ins eru nú að fækka starfs­fólki. Í iðn­aði mæld­ist í októ­ber sl. 3,7% sam­dráttur í fjölda laun­þega í fram­leiðslu­iðn­aði (án fisk­vinnslu), 2,8% sam­dráttur í mann­virkja­gerð og 2,6% sam­dráttur í hug­verka­iðn­aði. Sam­drátt­ur­inn birt­ist m.a. í því að atvinnu­leysi hefur auk­ist til muna í land­inu en það mæld­ist 4,1% í nóv­em­ber síð­ast­liðnum sam­an­borið við 2,5% í sama mán­uði í fyrra,“ segir í útdrætti úr grein­ing­unni, á vef Sam­taka iðn­að­ar­ins. 

Í grein­ing­unni segir jafn­framt, að vel hafi gengið að fjölga störfum í iðn­aði frá 2010, þegar efna­hags­líf­iðið tók aftur við sér eftir öldu­dal hruns­tím­ans. Í grein­inni í fyrra voru starf­andi um 9.814 fleiri en árið 2010, að því er segir í grein­ing­unni. Það er tæp­lega eitt af hverjum fjórum ­störfum sem sköp­uð­ust í hag­kerf­inu á þessum tíma. „Hlut­fallið er vís­bend­ing um stóran þátt grein­ar­innar í hag­vexti tíma­bils­ins og fram­lag hennar til bættra efna­hags­legra lífs­gæða í land­inu. Mik­il­vægt er að bygg­t sé áfram á þessum grunni öfl­ugs iðn­aðar hér á landi með hag­stjórn sem ver fyr­ir­tæki og heim­ili fyrir nið­ur­rifi efna­hags­sam­drátt­ar,“ segir enn­frem­ur.