Gunnar Jak­obs­son, lög­fræð­ingur og MBA frá Yale, hefur verið skip­aður vara­seðla­banka­stjóri á sviði fjár­mála­stöð­ug­leika, en það var Katrín Jak­obs­dótt­ir, for­sæt­is­ráð­herra, sem skip­aði hann eftir umsókn­ar­ferli og til­nefn­ingu fjár­mála- og efna­hags­ráð­herra, Bjarna Bene­dikts­son­ar. 

Eins og Kjarn­inn greindi frá þá mat hæf­is­nefnd, fimm ein­stak­linga mjög vel hæfa til að gegna starf­inu, en auk Gunn­ars voru það Guð­rún Johnsen, hag­fræð­ing­ur, Jón Þór Sturlu­son, hag­fræð­ing­ur, Tómas Brynj­ólfs­son, skrif­stofu­stjóri í fjár­mála- og efna­hags­ráðu­neyt­inu og Yngvi Örn Krist­ins­son, hag­fræð­ing­ur. 

Grein­ar­gerð hæf­is­nefnd­ar­inn­ar, um umsækj­end­ur, hefur nú verið birt, og einnig rök­stuðn­ingur sem Bjarni Bene­dikts­son lét fylgja til­nefn­ingu sinn­i. 

„Er það nið­ur­staða for­sæt­is­ráð­herra á grund­velli heild­ar­mats á um­sókn­ar­gögn­um, grein­ar­gerð hæfn­is­nefndar og rök­stuðn­ingi fjár­mála- og efna­hags­ráð­herra fyrir til­nefn­ingu sinni, og ann­arra gagna máls­ins, að til­nefn­ing fjár­mála- og efna­hags­ráð­herra bygg­ist á traustum mál­efna­legum grunni og að Gunnar Jak­obs­son sé í reynd, á grund­velli þeirra mats­þátta sem lagðir eru til grund­vallar í nýjum lögum um Seðla­banka Íslands og í aug­lýs­ingu um emb­ætt­ið, hæf­astur umsækj­enda til að hljóta skipun í emb­ætti vara­seðla­banka­stjóra fjár­mála­stöð­ug­leika,“ segir í til­kynn­ingu frá Katrínu Jak­obs­dótt­ur, for­sæt­is­ráð­herra.

Gunnar Jak­obs­son lauk cand.jur. prófi frá Háskóla Íslands árið 1995 og MBA námi frá Yale háskóla árið 2001. Þá hlaut hann CFA-rétt­indi frá CFA-­stofn­un­inni í Charlottes­ville í Virg­iníu árið 2006. Gunnar starf­aði sem lög­fræð­ingur í upp­boðs­deild hjá sýslu­mann­inum í Reykja­vík árið 1995 en seinna sama ár hóf hann störf sem hér­aðs­dóms­lög­maður hjá Lög­manns­stof­unni Síðu­múla 9. Á árunum 1997 til 1999 starf­aði hann sem lög­fræð­ingur á nefnda­sviði Alþing­is, m.a. sem rit­ari efna­hags- og við­skipta­nefnd­ar. Gunnar hóf störf hjá fjár­fest­inga­bank­anum Gold­man Sachs & Co. sum­arið 2000 og starfar þar enn í dag, fyrst í New York en frá árinu 2018 í London. Fyrsta árið var Gunnar full­trúi á rekstr­ar­sviði bank­ans. 

Á árunum 2001 til 2004 var Gunnar full­trúi og síðar yfir­maður á rekstr­ar­sviði bank­ans. Á árunum 2006 til 2008 var hann yfir­maður á rekstr­ar­á­hættu­sviði bank­ans, á árunum 2006 til 2008 yfir­maður og rekstr­ar­stjóri áhættu­sviðs eigna­stýr­ing­ar, rekstr­ar- og starfs­manna­stjóri mark­aðs­á­hættu­sviðs á árunum 2008 til 2012, fram­kvæmda­stjóri rekstr­ar­deildar mark­aðs­á­hættu­sviðs á árunum 2012 til 2015 og fram­kvæmda­stjóri lausa­fjársviðs áhættu­stýr­ingar á árunum 2015 til 2018. Frá árinu 2018 hefur Gunnar gegnt stöðu fram­kvæmda­stjóra lausa­fjársviðs og per­sónu­verndar fyrir Gold­man Sachs International í London. Gunnar var stunda­kenn­ari í almennri lög­fræði á árunum 1995 til 1998 við laga­deild Háskóla Íslands. Þá sat hann í stjórn The Risk Mana­gement Associ­ation árin 2017 til 2019, að því er segir í til­kynn­ingu frá for­sæt­is­ráðu­neyt­inu.