Sex sóttu um emb­ætti rík­is­sátta­semj­ara. Aðal­steinn Leifs­son, Gylfi Arn­björns­son, Her­dís Hall­mars­dótt­ir, Lara De Stefano, Ólafur Þor­steinn Kjart­ans­son og Rann­veig S. Sig­urð­ar­dótt­ir, hag­fræð­ingur og vara­seðla­banka­stjóri. Þetta kemur fram í til­kynn­ingu frá félags­mála­ráðu­neyt­inu.

Félags­mála­ráðu­neytið aug­lýsti þann 5. des­em­ber síð­ast­lið­inn emb­ætti rík­is­sátta­semj­ara laust til umsókn­ar. Umsókn­ar­frestur var til og með 20. des­em­ber síð­ast­lið­inn. 

Í aug­lýs­ing­unni sagði að rík­is­sátta­semj­ari starfi á grund­velli laga nr. 80/1938, um stétt­ar­fé­lög og vinnu­deil­ur, með síð­ari breyt­ing­um. Hann ann­ist sátta­störf í vinnu­deilum milli launa­fólks og félaga þess ann­ars vegar og atvinnu­rek­enda og félaga þeirra hins veg­ar. Skal þess því gætt að afstaða hans sé slík að telja megi hann óvil­hallan í málum launa­fólks og atvinnu­rek­enda, sbr. 1. mgr. 20. gr. laga um stétt­ar­fé­lög og vinnu­deil­ur. Enn fremur er lögð áhersla á for­ystu­hæfi­leika og hæfni í mann­legum sam­skipt­um.

„Um­sókn­irnar verða nú metnar af sér­stakri ráð­gef­andi hæfn­is­nefnd sem ­fé­lags- og barna­mála­ráð­herra mun skipa.  Eft­ir­taldir hafa verið til­nefndir til setu í nefnd­inni: Drífa Snædal, for­seti ASÍ, og Eyjólfur Árni Rafns­son, for­maður Sam­taka atvinnu­lífs­ins. Auk þess mun ráð­herra skipa Gissur Pét­urs­son ráðu­neyt­is­stjóra ­for­mann nefnd­ar­inn­ar. Bjarn­heiður Gauta­dótt­ir, skrif­stofu­stjóri í félags­mála­ráðu­neyt­inu, mun starfa með nefnd­inn­i,“ segir í til­kynn­ingu frá félags­mála­ráðu­neyt­inu.

Ásmundur Einar Daða­son, félags- og barna­mála­ráð­herra, mun skipa í emb­ættið til fimm ára þegar hann hefur fengið til­lögur nefnd­ar­innar í hend­ur.