Í nýrri könnun sem send var á 735 fyr­ir­tæki eða á alla umsækj­endur um styrk til Tækni­þró­un­ar­sjóðs síð­ustu þrjú ár fyrir sum­arið 2019 kemur fram að 73,5 pró­sent aðspurðra telji að sér­ís­lenskur gjald­mið­ill hafi nei­kvæð áhrif á rekstur nýsköp­un­ar­fyr­ir­tækja.

Gallup fram­kvæmdi könn­un­ina fyrir Northstack og Tækni­þró­un­ar­sjóð um umhverfi nýsköp­un­ar­fyr­ir­tækja á Íslandi og voru nið­ur­stöður hennar kynntar á við­burði skipu­lögðum af Icelandic Startups í dag. 

Í könn­un­inni kemur meðal ann­ars fram að svar­endur séu almennt jákvæðir fyrir fram­tíð nýsköp­un­ar, eða 75,8 pró­sent, og telji almenn­ings­á­litið vera jákvætt í garð nýsköp­un­ar, eða 75,7 pró­sent.

61% telur að banka­þjón­usta á Íslandi henti illa eða mjög illa

Ein­ungis 18,2 pró­sent svar­enda eru sam­mála því að Ísland sé góður staður fyrir fyr­ir­tæki í örum vexti og 18,9 pró­sent eru sam­mála því að landið sé gott fyrir alþjóð­leg nýsköp­un­ar­fyr­ir­tæki.

Mis­góð vit­und er um íviln­anir meðal svar­enda. 51,2 pró­sent vissu ekki af íviln­unum fyrir erlenda sér­fræð­inga og 22,8 pró­sent vissu ekki af end­ur­greiðslum vegna rann­sókna- og þró­un­ar­starfs.

Rúm­lega helm­ing­ur, eða 61 pró­sent, telur að banka­þjón­usta á Íslandi henti illa eða mjög illa fyrir nýsköp­un­ar­fyr­ir­tæki.

Könn­unin var fram­kvæmd síð­asta sumar og var úrtakið þau 735 fyr­ir­tæki sem höfðu sótt um styrk til Tækni­þró­un­ar­sjóðs þrjú ár fyrir könn­un­ina.

Grunnur til að byggja ofan á

Krist­inn Árni L. Hró­bjarts­son, ­stofn­andi Northstack, ­segir við til­efnið að ekki hafi verið gerð svo viða­mikil könnun um umhverfi nýsköp­unar á Íslandi, sam­kvæmt hans vit­neskju. „Mark­miðið er að búa til grunn, sem með tím­anum er hægt að byggja ofan á, og von­ast ég eftir því að könn­unin verði end­ur­tekin reglu­lega, til að fylgj­ast með þróun mála,” segir hann.

Umhverfi nýsköp­un­ar­fyr­ir­tækja á Íslandi er sam­starfs­verk­efni Northstack, Gallup og Tækni­þró­un­ar­sjóðs. Mark­mið verk­efn­is­ins er að kort­leggja við­horf for­svars­fólks nýsköp­un­ar­fyr­ir­tækja til umhverfis nýsköp­unar á Íslandi.

Á vef­síðu verk­efn­is­ins kemur fram að for­svars­menn þess hafi valið að birta gögnin hrá og án túlk­unar á Nýsköp­un­ar­land­ið.is, til að gefa umhverf­inu og öllum þátt­tak­endum þess aðgang að gögn­un­um.