Snjó­flóðin sem féllu á Flat­eyri á þriðju­dags­kvöld flædd­u ­yfir leiði­garð­ana (varn­ar­garða) ofan Flat­eyrar á löngum köfl­um. Mik­inn flóð­snjó­ er að finna á milli garð­anna ofan þver­garðs­ins sem myndar teng­ingu á milli­ þeirra skammt ofan byggð­ar­inn­ar.

Neðan þver­garðs­ins eru flóð­tungur innan við báða ­leiði­garð­ana sem hafa bæði kast­ast yfir þá og einnig að ein­hverju leyti flætt ­yfir þver­garð­inn. Það var flóð­tungan innan við leiði­garð­inn und­ir­ Inn­ra-Bæj­ar­gili sem lenti á hús­inu að Ólafs­túni 14. Ung­lings­stúlka grófst í flóð­ið en var bjargað um hálf­tíma síð­ar.

Þetta er meðal þess sem fram kemur í sam­an­tekt á frum­nið­ur­stöðum mæl­inga Veð­ur­stofu Íslands­  á snjó­flóð­un­um. Snjóat­hug­un­ar­menn og sér­fræð­ingar Veð­ur­stof­unnar hafa í gær og dag unnið við mæl­ing­ar.

Á 200 km hraða á klukku­stund

Í sam­an­tekt Veð­ur­stof­unnar segir að flóðin virð­ast hafa kast­ast yfir garð­ana á tals­verðri ferð vegna þess að ofar­lega á innri hlið varn­ar­garð­anna er óhreyfður snjór sem flóðin hafa ekki sópað með sér en neð­ar­ hafa þau streymt með jörðu og brotið gróður og eyði­lagt skilti og önn­ur ­mann­virki sem þar var að finna. Skolla­hvilft­ar­flóðið rann alveg yfir svæðið á milli garð­anna og upp að Inn­ra-Bæj­ar­gils­garð­inum að inn­an­verðu.

Flóðin eru til­tölu­lega þunn á svæð­inu milli garð­anna og neðan þver­garðs­ins, víð­ast 0,5–1 metri að þykkt. Með­fram görð­unum að utan­verð­u eru þykkar hrannir af flóð­snjó sem eru víða margir metrar þykkt og er þar að ­sjá háa óreglu­lega hryggi þar sem þykkt flóðs­ins er mjög mik­il.

Svo­kall­aður Doppler-radar á Skolla­hvilt­ar­garð­inu mældi hraða ­flóðs­ins úr hvilft­inni skömmu áður en það kom að garð­inum ofan­vert við miðju og ­reynd­ist það þar á 45–60 m/s hraða sem sam­svarar 150–200 km hraða á klukku­stund.

Mik­ils­verðar upp­lýs­ingar

Flóðin úr Skolla­hvilft og Inn­ra-Bæj­ar­gili eru með allra ­stærstu snjó­flóðum sem fallið hafa á leiði­garða í heim­inum og gefa mik­ils­verð­ar­ ­upp­lýs­ingar um streymi snjó­flóða sem lenda á fyr­ir­stöðum og virkni leiði­garða, ­segir í sam­an­tekt Veð­ur­stof­unn­ar.

Mæl­ingar á rúm­máli flóð­anna liggja ekki fyrir en út frá­ til­tækum upp­lýs­ingum er áætlað að Skolla­hvilft­ar­flóðið kunni að vera sam­bæri­leg að stærð við flóðið sem féll úr Skolla­hvilft í októ­ber 1995. Flóðið úr Inn­ra-Bæj­ar­gili var mun minna að rúm­máli enda upp­taka­svæði þess minna.