Ólafur Örn Niel­sen hefur verið ráð­inn aðstoð­ar­for­stjóri Opinna Kerfa. Hann hefur und­an­farið starfað sem stjórn­enda­ráð­gjafi en var áður fram­kvæmda­stjóri hug­bún­að­ar- og ráð­gjafa­fyr­ir­tæk­is­ins Koli­bri á árunum 2015-2019.

Ólafur kom einnig að stofnun hönn­un­ar­fyr­ir­tæk­is­ins Form5 á sínum tíma, var vef­mark­aðs­stjóri WOW air og hug­bún­að­ar­sér­fræð­ingur hjá mbl.is. Þá hefur Ólafur setið í stjórnum sam­taka upp­lýs­inga­tækni­fyr­ir­tækja og ÍMARK, félags mark­aðs­fólks á Ísland­i. 

Í til­kynn­ingu frá Opnum kerfum segir að á árinu 2019 hafi nýir fjár­festar komið að félag­inu og Ragn­heiður H. Harð­ar­dóttir tók í kjöl­farið við sem for­stjóri þess. „Und­an­farna mán­uði hefur verið unnið að mótun á stefnu félags­ins til fram­tíðar og er ráðn­ing Ólafs liður í því að styðja við skipu­lags­breyt­ingar sem fel­ast í því að Opin Kerfi geti unnið í enn nán­ara sam­starfi við fyr­ir­tæki um rekstur upp­lýs­inga­tækni­mála.“

Ólafur segir að það sé mik­ill heiður að vera treyst fyrir hlut­verki aðstoð­ar­for­stjóra. „Það er spenn­andi áskorun að koma inn í Opin Kerfi á þessum tíma­punkti en fyr­ir­tæk­ið, eins og mark­að­ur­inn all­ur, er að ganga í gegnum miklar umbreyt­ingar sem er mestu leyti drifin áfram vegna tækni­þró­un­ar. Opin Kerfi ætlar sér stóra hluti og ég hlakka til að takast á við þá áskorun að skrifa nýja kafla við þá rót­grónu sögu sem félagið býr yfir, með því afburða­fólki sem hjá félag­inu starfar.“