Emb­ætti for­seta Alþingis og þing­menn eyddu mestu í utan­lands­ferðir árið 2015 á tíma­bil­inu 2009 til 2018 en þá var kostn­aður vegna þeirra rúmar 74 millj­ónir króna. Sam­tals er kostn­aður vegna utan­lands­ferða þing­manna á vegum þings­ins og emb­ættis for­seta Alþingis rúmar 557 millj­ónir króna á þessu tíu ára tíma­bili. Minnstur var kostn­að­ur­inn árið 2009 þegar hann nam 32,5 millj­ónum króna. 

Þetta kemur fram í svari Stein­gríms J. Sig­fús­son­ar, for­seta Alþing­is, við fyr­ir­spurn frá Þor­steini Víglunds­syni, þing­manni Við­reisn­ar, um kostnað vegna utan­lands­ferða þing­manna og for­seta þings­ins.

Þor­steinn spurði hver kostn­aður Alþingis hefði verið síð­ast­liðin 10 ár, sund­ur­liðað eftir árum, ann­ars vegar vegna utan­lands­ferða þing­manna á vegum þings­ins og hins vegar utan­lands­ferða emb­ættis for­seta Alþing­is.

Yfir­litið sýnir kostnað við ferðir þing­manna og emb­ættis for­seta Alþingis og eru upp­hæðir á verð­lagi hvers árs. Undir kostnað við ferðir þing­manna fellur jafn­framt kostn­aður við ferðir starfs­fólks sem fylgja þing­mönn­um. Þá fellur jafn­framt undir kostnað við ferðir á vegum emb­ættis for­seta allur kostn­aður við ferðir þeirra þing­manna sem eru í fylgd með for­seta ásamt starfs­fólki sem er með í ferð.