Meiri­hluti bæj­ar­stjórnar Ísa­fjarð­ar­bæjar og Guð­mundur Gunn­ars­son bæj­ar­stjóri hafa kom­ist að ­sam­komu­lagi um starfs­lok Guð­mund­ar. Hann lætur af störfum nú þeg­ar. 

Í til­kynn­ingu segir að ástæða starfs­loka sé ólík­ ­sýn á verk­efni á vett­vangi sveit­ar­fé­lags­ins. „Telja aðilar það sveit­ar­fé­lag­inu fyrir bestu að leiðir skilj­i. Það mun skýr­ast á allra næstu dögum hvernig ráðn­ingu á næsta bæj­ar­stjóra verður hag­að.“ Guð­mundur segir í sam­tali við Kjarn­ann að starfs­lokin hafi átt sér stuttan aðdrag­anda. Hann vill þó ekki tjá sig frekar um málið en það sem fram kemur í til­kynn­ing­unn­i. 

Þangað til ráðið verður í starfið mun bæj­ar­rit­ari, sem er stað­geng­ill bæj­ar­stjóra, gegna því. Í til­kynn­ing­unni óskar meiri­hlut­inn Guð­mundi vel­farn­aðar og þakkar honum fyrir sam­starf­ið. „Guð­mundur vill koma á fram­færi ein­lægum þökkum til íbúa Ísa­fjarð­ar­bæjar fyrir frá­bær­ara við­tökur og á­nægju­legt sam­starf. Hann segir það heiður að hafa fengið tæki­færi til að vinna að mik­il­væg­um hags­muna­málum Vest­firð­inga með kraft­miklu starfs­fólki sveit­ar­fé­lags­ins. Það eru spenn­andi og krefj­andi verk­efni framundan í Ísa­fjarð­arbæ og rík ástæða til að horfa björt­u­m augum til fram­tíð­ar.“

Guð­mundur var ráð­inn í starf bæj­ar­stjóra í ágúst 2018 af meiri­hluta Sjálf­stæð­is­flokks og Fram­sókn­ar­flokks, sem mynd­aður var þar eftir sveit­ar­stjórn­ar­kosn­ing­arnar fyrr á því ári. Hann er með meist­­ara­­próf í alþjóða­við­­skiptum frá Háskól­­anum í Reykja­vík og B.A. próf í fjöl­miðla­fræði frá Háskól­­anum á Akur­eyri. Áður en Guð­mundur tók við starfi bæj­ar­stjóra hafði hann starfað þrjú ár sem fram­­kvæmda­­stjóri AFS á Íslandi en áður stýrði hann alþjóða­sviði 66° NORÐUR og var einnig frétta- og dag­­skrár­­gerð­­ar­­maður RÚV um nokk­­urra ára skeið.

Starfs­lok Guð­mundar hafa greini­lega ekki átt sér langan aðdrag­anda. Hann vakti umtals­verða athygli á síð­ustu vikum með fram­göngu sinni eftir að snjó­flóð féllu innan sveit­ar­fé­lags­ins. Á föstu­dag var greint frá því að Katrín Jak­obs­dóttir for­­sæt­is­ráð­herra, Bjarni Bene­dikts­­son fjár­­­mála- og efna­hags­ráð­herra og Sig­­urður Ingi Jóhanns­­son sam­­göngu- og sveit­­ar­­stjórn­­­ar­ráð­herra hefðu ákveðið að skipa starfs­hóp til að móta til­­lögur um aðgerðir til að treysta atvinn­u­líf og búsetu á Flat­eyri við Önund­­ar­­fjörð í kjöl­far snjó­­­flóðs­ins þann 14. jan­úar síð­­ast­lið­inn.

Verk­efni starfs­hóps­ins á að vera að kanna leiðir til að byggja upp traust íbúa Flat­eyrar á sam­­fé­lags­­legum innviðum og gera til­­lögur um aðgerðir sem treyst geta stoðir byggð­­ar­inn­­ar.

Á meðal þeirra sem skip­aðir voru í þann starfs­hóp var Guð­mund­ur.