Bráða­birgða­mat liggur nú fyrir frá mæl­ingum á stærð loðnu­stofns­ins í jan­úar á þessu ári. Stærð hrygn­ing­ar­stofns­ins sam­kvæmt þessum mæl­ingum var um 64 þús­und tonn. Er það langt undir þeim mörkum í gild­andi afla­reglu sem þarf að ná svo Haf­rann­sókna­stofnun geti ráð­lagt veið­ar.

Þetta kemur fram í til­kynn­ingu frá stofn­un­inni.

Matið byggir á mæl­ingum þriggja skipa, RS Árna Frið­riks­son­ar, ásamt loðnu­skip­unum Hákoni EA-148 og Polar Amaroq. Í til­kynn­ing­unni segir enn fremur að þrátt fyrir erf­iðar veð­ur­að­stæður hafi náðst með sam­stilltu átaki þriggja mæli­skipa og tveggja leit­ar­skipa, heild­ar­yf­ir­ferð frá Hval­baks­halla fyrir suð­austan land og þaðan norður um og suður fyrir Vík­urál út af Vest­fjörð­um. Hafís hafi hindrað mjög yfir­ferð í Græn­lands­sundi.

Þann 1. febr­úar síð­ast­lið­inn var byrjað á að ná mæl­ingu á stofn­inum öðru sinni, sam­kvæmt Haf­rann­sókn­ar­stofn­un. Polar Amaroq byrj­aði þá yfir­ferð suð­austur af land­inu og mun Aðal­steinn Jóns­son SU-011 koma inn í þær mæl­ingar fyrir austan þriðju­dag­inn 4. febr­ú­ar. RS Árni Frið­riks­son mun halda til mæl­inga 3. febr­úar vestur fyrir land og mæla til móts við hin skip­in.

Haf­rann­sókn­ar­stofnun gerir ráð fyrir að þessar mæl­ingar geti staðið yfir fram í að minnsta kosti miðjan mán­uð­inn.