Þeim Íslend­ingum fjölgar sem telja að hækkun á hita­stigi jarðar síð­ustu öld sé meira vegna nátt­úru­legra breyt­inga í umhverf­inu. Nú telja 23 pró­sent lands­manna að svo sé en 66 pró­sent telja hækk­un­ina vera vegna meng­unar af manna­völd­um.

Þetta kemur fram í nýrri umhverfiskönnun Gallup sem birt var í dag.

Er þetta tölu­verð breyt­ing frá fyrri könnun fyrir rúmu ári síðan þegar 14 pró­sent töldu hækkun á hita­stigi jarðar vera vegna nátt­úru­legra breyt­inga í umhverf­inu.

Í könn­un­inni kemur fram að við­horfs­breyt­ingin sé almenn, en þeim sem segja hækkun á hita­stigi jarðar vera vegna nátt­úru­legra breyt­inga fjölgar í flestum hópum milli mæl­inga en helst er hún hjá fólki á aldr­inum 45 til 55 ára þar sem hún lækkar um 20 pró­sentu­stig milli mæl­inga.

Ólafur Elín­ar­son, sviðs­stjóri mark­aðs­rann­sókna Gallup, segir að gríð­ar­legt mik­il­vægt sé að fylgj­ast með þróun á við­horfum til lofts­lags­mála og í raun nauð­syn­legt að hafa gögn um stöð­una. 

„Þessi nið­ur­staða sýnir að við­horf geta breyst á skömmum tíma og virð­ast nú fleiri Íslend­ingar telja að hækkun á hita­stigi jarðar sé af nátt­úr­unnar völdum miðað við síð­ustu könnun þó svo að mik­ill meiri­hluti telji hækk­un­ina af manna­völd­um,“ segir hann.