Maní Shahidi og fjöl­skyldu hans verður ekki vísað úr landi dag. Brott­vís­un­inni hefur verið frestað vegna ann­ar­legs ástands Maní, en hann var í gær lagður inn á barna- og ung­linga­geð­deild Land­spít­al­ans, í hvíld­ar­inn­lögn.

Lög­reglan hefur stað­fest þetta við Claudia Ashonie Wil­son, lög­mann fjöl­skyld­unn­ar, en frá þessu er greint í stöðu­upp­færslu hjá No Borders Iceland.

Tölu­vert hefur verið fjallað um málið en blásið var til mót­mæla í gær fyrir framan dóms­mála­ráðu­neyt­ið. Þær sem stóðu að við­burð­inum eru mæður trans barna. Þá var fólk jafn­framt hvatt til að skrifa undir áskorun þess efnis að styðja við Maní og fjöl­skyldu hans. 

Búinn að vera hér á landi í tæpt ár

Maní er 17 ára gam­all trans strákur sem kom til Íslands með for­eldrum sínum þann 5. mars árið 2019. Fram kemur á við­burði mót­mæl­enda að Maní sé nem­andi við Fjöl­brauta­skóla Suð­ur­nesja þar sem hann hafi fest ræt­ur, eign­ast vini og tengst sam­fé­lag­inu. „Maní er í sér­stak­lega við­kvæmri stöðu en rann­sóknir hafa sýnt fram á að trans ung­menni búa við verri and­lega heilsu og eiga í meiri hættu á félags­legri ein­angr­un.“

Síð­ast­lið­inn mánu­dag til­kynnti lög­reglan fjöl­skyld­unni að henni yrði vísað á brott og að flytja ætti þau úr landi mánu­dags­morg­un­inn 17. febr­ú­ar. Fjöl­skyldan yrði þá flutt til Portú­gal þar sem þau dvöldu í nokkra daga áður en þau komu til Íslands. Þar hafa þau ekki hlotið vernd, heldur sjö daga vega­bréfs­á­ritun sem þau not­uðu til að kom­ast til Íslands.

„Hræði­legt“ að dóms­mála­ráð­herra hafi ekki gripið inn í

Á síðu No Borders kemur fram að þó að það hafi verið mik­ill léttir að brott­vís­un­inni hafi verið frestað, þá sé „væg­ast sagt hrika­legt að dóms­mála­ráð­herra, Útlend­inga­stofn­un, kæru­nefnd eða lög­reglan hafi ekki gripið inn í, en öll hafa þau vald til að fresta brott­vís­un­inni. Því það var vissu­lega ekki rétt­læt máls­með­ferð yfir­valda sem stöðv­aði brott­vís­un­ina í nótt, heldur var það hörmu­legt and­legt ástand 17 ára ung­lings.“

Enn fremur telja sam­tökin að barn eigi ekki að þurfa að hrynja niður í dýpsta myrkur og þurfa á neyð­ar­að­stoð lækna, til þess að lög­reglan, Útlend­inga­stofnun og Áslaug Arna Sig­ur­björns­dóttir dóms­mála­ráð­herra hlusti.

Telja málið ekki nægi­lega vel rann­sakað

Sam­kvæmt No Borders hefur það verið ljóst frá fimmtu­degi að málið hafi ekki verið nægj­an­lega rann­sakað og að um hugs­an­leg brot á rétti Maní til að tjá sig við yfir­völd hefðu átt sé stað í máls­með­ferð­inni. „Út­lend­inga­stofnun á að hafa verið á vakt um helg­ina að fara yfir mál Maní og fjöl­skyldu hans, en samt var engum tölvu­póstum lög­manns þeirra svar­að, né þeirra eigin beiðni eftir gögn­um. Ekki var heldur tekið til­lit til þess að storm­ur­inn á föstu­dag­inn hefði valdið því að lög­maður gat ekki fengið öll umbeð­in.

Á meðan við biðum eftir Maní þar sem hann var í við­tali hjá barna­geð­lækni, hringdi lög­regla stoð­deildar í Shokou­fa, móð­ur­ina, til að vita hvar þau væru. Svo virð­ist sem það hafi átt að fram­kvæma brott­vís­un­ina þrátt fyrir all sem á undan var geng­ið. Sem betur fer þvertóku læknar fyrir að brott­vís­unin færi fram í nótt.“

Þau reikna enn fremur með því að bar­áttan þurfi að halda áfram næstu daga. „Von­andi nær Maní að hvíla sig í ró sem ætti að vera svo sjálf­sögð fyrir barn, á meðan við hin klárum þetta mál!“ segir að lokum í stöðu­upp­færslu No Borders.