Jón Þór Ólafs­son, þing­maður Pírata, spurði í fyr­ir­spurn til dóms­mála­ráð­herr­ans, Áslaugar Örnu Sig­ur­björns­dótt­ur, hve langir fang­els­is­dóm­ar, skil­orðs­bundnir og óskil­orðs­bundnir hefðu verið síð­ast­liðin 5 ár að með­al­tali, í mán­uðum talið, fyrir hverja milljón króna sem stungið hefði verið undan eða stolið, sund­ur­liðað eftir skattsvikum og þjófn­aði.

Í öðru lagi spurði hann hve háar bætur að með­al­tali hefðu síð­ast­liðin 5 ár verið dæmdar brota­þolum vegna ólög­mætrar upp­sagn­ar, lík­ams­árásar og nauðg­un­ar.

Í svari dóms­mála­ráð­herra kemur fram að sam­kvæmt upp­lýs­ingum frá emb­ætti rík­is­sak­sókn­ara sé ekki hægt að svara fyr­ir­spurn­inni út frá þeim upp­lýs­ingum og kerfum sem lög­regla og ákæru­vald býr yfir.

„Skrán­ing í upp­lýs­inga­kerfi dóm­stól­anna býður ekki upp á að hægt sé að taka umbeðnar upp­lýs­ingar út með ein­földum hætti, að því er dóm­stóla­sýslan seg­ir. Þá skráir Fang­els­is­mála­stofnun rík­is­ins lengd refs­inga og hvort um skil­orðs­bund­inn dóm eða óskil­orðs­bund­inn dóm sé að ræða sem og þau laga­á­kvæði sem dóm­þoli brýtur gegn en ekki nánar eðli þeirra brota sem sak­fellt er fyr­ir, þar á meðal þær fjár­hæðir sem um ræð­ir,“ segir í svar­inu.

Þá kemur fram að til þess að svara fyr­ir­spurn­inni þyrfti að fara yfir öll mál sér­stak­lega en slík úttekt yrði svo umfangs­mikil að ekki væri hægt að svara fyr­ir­spurn­inni í stuttu máli.