Úrskurð­ar­nefnd um upp­lýs­inga­mál hefur kom­ist að þeirri nið­ur­stöðu að emb­ætti Skatt­rann­sókn­ar­stjóra og Rík­is­skatt­stjóra þurfi að afhenda frétta­manni minn­is­blöð sem emb­ættin sendur til fjár­mála- og efna­hags­ráðu­neyt­is­ins vegna rann­sóknar á Sam­herj­a­mál­inu svo­kall­aða. 

Ráðu­neytið hafði synjað beiðni umrædds frétta­manns, sem er ekki nefndur í úrskurði nefnd­ar­inn­ar, um aðgang að gögn­unum að höfðu sam­ráði við emb­ættin tvö. Það var gert á þeim grund­velli að talið var að þau hefðu að geyma upp­lýs­ingar sem vörð­uðu mik­il­væga virka við­skipta­hags­muni lög­að­ila, upp­lýs­ingar um mögu­lega rann­sókn saka­máls auk upp­lýs­inga um fyr­ir­hug­aðar ráð­staf­anir sem mögu­lega skili ekki til­ætl­uðum árangri séu þær á vit­orði almenn­ings. 

Úrskurðarnefndin taldi hins vegar að upp­lýs­ing­arnar sem væri að finna í gögn­unum þyrftu ekki að fara leynt nema upp­lýs­ingar um fyr­ir­hug­aðar aðgerðir í tengslum við skipu­lag á fyr­ir­hug­aðri rann­sókn til­tek­ins saka­máls þar sem að „líkur á því að árangur aðgerð­anna spillt­ist yrðu upp­lýs­ing­arnar gerðar opin­ber­ar.“

Ráðu­neyt­inu bar því að afhenda frétta­mann­in­um, sem starfar hjá RÚV, gögnin að unda­skyldum til­greindum tölu­liðum í minn­is­blöðum beggja stofn­ana.

Sam­herj­a­málið hófst form­lega í nóv­em­ber í fyrra þegar Kveik­­­ur, Stund­in, Wiki­leaks og Al Jazeera birtu umfjöllun sína um við­­­skipta­hætti Sam­herja í Namibíu og víðar þar sem fjallað var um meintar mút­­u­greiðsl­­­ur, pen­inga­þvætti og skatta­snið­­­göngu. Í umfjöll­un­inni steig fram upp­­­ljóstr­­ar­inn Jóhannes Stef­áns­­son, fyrr­ver­andi starfs­­maður Sam­herja í Namib­­íu, og lýsti ætl­uðum brotum Sam­herja, sem hann sagði að væru framin með vit­und og vilja for­stjóra sam­stæð­unn­ar, Þor­steins Más Bald­vins­son­ar. 

Sam­herji fól sam­stundis norskri lög­manns­stofu, Wik­borg Rein, að fram­kvæma rann­sókn fyrir sig á ásök­un­um, sem fyr­ir­tækið greiðir sjálft fyrir og heyrir beint undir stjórn­ina. 

Auk rann­­sóknar Wik­borg Rein á málum Sam­herja eru yfir­­­­völd í Namib­­­­íu, Angóla, Íslandi og í Nor­egi einnig að rann­saka mál tengd Sam­herj­a og fjöl­margir hafa verið ákærðir fyrir spill­ingu og önnur efna­hags­brot nú þegar í Namibíu vegna Sam­herj­­­a­­­máls­ins, meðal ann­­­ars tveir fyrr­ver­andi ráð­herrar í rík­­­is­­­stjórn lands­ins. Alls sitja tíu manns í fang­elsi þar í landi vegna máls­ins. Engin nið­­ur­­staða liggur fyrir í rann­­sókn á mál­inu hér­­­lendis enn sem komið er og sam­­kvæmt upp­­lýs­ingum Kjarn­ans hefur hún verið í fullum gangi und­an­farna mán­uð­i, meðal ann­ars hjá skatta­yf­ir­völd­um.