Sonja Ýr Þor­bergs­dótt­ir, for­maður BSRB, segir að náð­st ­sam­komu­lag milli aðila kjara­deil­unnar um stytt­ingu vinnu­viku vakta­vinnu­fólks. Enn eigi eftir að ná sam­komu­lagi um launa­lið­inn og jöfnun launa. Við­ræður halda á­fram í dag og næstu daga en verk­falls­að­gerð­ir, sem mik­ill meiri­hluti félags­manna ­sam­þykkti, hefj­ast á mánu­dag náist ekki að semja fyrir þann tíma.

Í minn­is­blaði sem rík­is­lög­reglu­stjóri, sótt­varn­ar­læknir og land­læknir hafa sent frá sér er skorað á þá sem nú eiga í kjara­við­ræðum að leita allra leiða til að enda verk­falls­að­gerðir sem standa ­yfir og koma í veg fyrir fyr­ir­hug­aðar aðgerð­ir.

Sonja Ýr segir í sam­tali við Kjarn­ann að und­an­þágu­nefnd­ir ­vegna verk­falla taki til starfa strax í dag. Til þeirra er hægt að leggja fram beiðnir um und­an­þágur áður en fyr­ir­huguð verk­föll skella á.

Lands­sam­band slökkvi­liðs- og sjúkra­flutn­inga­manna til­kynnt­i í morgun að þeir hefðu frestað verk­falls­að­gerðum sem áttu að hefj­ast í næst­u viku.

Aðild­ar­fé­lög BSRB eru í kjara­við­ræðum við rík­ið, Reykja­vík­ur­borg og Sam­band íslenskra sveit­ar­fé­laga. Um 18 þús­und manns eru í þessum félögum sam­an­lagt.

Hér má sjá lista yfir boð­aðar verk­falls­að­gerð­ir.