Félags­dómur féllst í dag á kröfu Sam­taka atvinnu­lífs­ins fyrir hönd Sam­taka sjálf­stæðra skóla að boðað sam­úð­ar­verk­fall Efl­ingar hjá einka­reknum leik- og grunn­skólum sé ólög­mætt. Fjórir dóm­arar komust að þeirri nið­ur­stöðu enn einn dóm­ari, Guðni Á Har­alds­son, skil­aði sér­at­kvæði og taldi að aðgerð­irnar væru lög­mæt­ar.

Félags­menn hjá sjálf­­stætt starf­andi skólum höfðu áður sam­þykkt að ráð­ast í aðgerð­irnar frá og með næst­kom­andi mánu­degi, 9. mars, með 90 pró­sent greiddra atkvæða. ­Rúm­­lega 240 félags­­­menn Efl­ingar starfa hjá einka­reknum skólum sem eiga aðild að Sam­­tökum sjálf­­stæðra skóla.

Hægt er að lesa dóm félags­dóm í heild sinni hér.

Í aðdrag­anda þess að kosið var um aðgerð­irnar í febr­úar sagði Sól­­veig Anna Jóns­dótt­ir, for­­maður Efl­ing­­ar, við Kjarn­ann aðEfl­ing­­ar­­fé­lagar sem vinni á sam­­bæri­­legum kjörum og borg­­ar­­starfs­­menn hafi lýst ein­­dreg­inni sam­­stöðu og stuðn­­ingi við aðgerðir þeirra í borg­inni. Þeir hafi margir haft sam­­band á síð­­­ustu vikum og lýst yfir vilja til að taka þátt í aðgerð­u­m. 

„Fundir okkar með þessum hópum sýna að þar eru nákvæm­­lega sömu vanda­­mál á ferð­inni og hjá Reykja­vík­­­ur­­borg: und­ir­­mönn­un, ofur­á­lag, lít­ils­virð­ing og van­­mat störfum fólks. Sem auð­vitað teng­ist því að þetta eru að stórum hluta kvenna­­stétt­­ir. Við munum að sjálf­­sögðu fara fram á sams konar leið­rétt­ingu fyrir þennan hóp eins og hjá borg­inn­i,“ sagði hún.