Skelj­ungur hefur fest kaup á þjón­ustu­mið­stöð­inni Baul­unni í Borg­ar­firði. Í kaup­unum felst allur fast­eign­ar- og lóð­ar­réttur ásamt versl­un­ar­rekstri á svæð­inu þar sem versl­unin er til húsa. 

Þetta kemur fram í til­kynn­ingu frá Skelj­ungi í dag. 

Fyr­ir­hugað er að bens­ín­stöð Orkunnar verði opnuð á svæð­inu á kom­andi mán­uðum og rekstur veit­inga­söl­unnar verði efld­ur, sam­kvæmt fyr­ir­tæk­inu.

Árni Pétur Jóns­son, for­stjóri Skelj­ungs, segir í til­kynn­ing­unni að þau séu full til­hlökk­unar að taka við rekstri hinnar víð­frægu Baulu í Borg­ar­firði. „Er þetta áfram­hald­andi skref í að fram­fylgja stefnu okkar um að þétta stöðvanetið og efla þjón­ust­una enn betur við íbúa lands­byggð­ar­inn­ar,“ segir hann. 

Sér­kenni­leg bygg­ing með turni

Þann 22. maí árið 1986 kom fram í Morg­un­blað­inu að ný þjón­ustu­mið­stöð væri að rísa í Borg­ar­firði. Í frétt­inni sagði að bygg­ingin væri sér­kenni­leg í útliti og að upp úr henni skag­aði turn sem minnti mjög á eitt­hvert fræg­asta fjall Borg­ar­fjarð­ar, Baulu. 

Einnig kom fram að það væru hjónin á Haugum í Staf­holtstung­um, Vil­dís Guð­munds­dóttir og Hall­dór Har­alds­son, sem væru að byggja en Ric­hard Ó. Briem hefði teiknað húsið og að yfir­smiður væri Stefán Ólafs­son.