Samn­inga­nefnd BSRB samdi við Sam­band íslenskra sveit­ar­fé­laga um gerð nýs kjara­samn­ings rétt eftir mið­nætti í dag. Sá samn­ing­ur­inn mun ná til um sjö þús­und félags­manna sem starfa hjá sveit­ar­fé­lögum víða um land­ið. Í kjöl­farið var boð­uðum verk­föllum þeirra, sem haf­ist höfðu á mið­nætti, aflýst.

Um klukkan þrjú í nótt skrif­uðu svo samn­inga­nefndir Sam­eyk­is, stétt­ar­fé­lags starfs­manna í almanna­þjón­ustu, undir nýjan kjara­samn­ing við Reykja­vík­ur­borg. Samn­ing­ur­inn nær til rúm­lega 4000 félags­manna sem starfa hjá borg­inni og gildir til 31. mars 2023. Ótíma­bundnum og tíma­bundnum verk­föllum Sam­eykis sem hófust á mið­nætti í Reykja­vík hefur því verið aflýst. 

Árni Stefán Jóns­son, for­maður Sam­eyk­is, sagði við RÚV í nótt að samn­ing­ur­inn við Reykja­vík­ur­borg væri að mörgu leyti góður og merki­leg­ur. “Þarna vorum við að ganga frá tveimur stórum hlut­um. Ann­ars vegar stytt­ingu vinnu­vik­unnar fyrir hvort tveggja dag­vinnu­fólk og vakta­vinnu­fólk. sem var heldur meira mál og flókn­ara, og hefur verið bar­áttu­mál lengi. Þá auðn­að­ist okkur líka að ná fram launa­hækkun upp á 90.000 krónur á samn­ings­tím­an­um.“

„Annað sem við fengum í gegn var við­ur­kenn­ing á ýmissi starfs­menntun sem ekki hefur verið metin til launa fyrr en nú.“ Þegar frétta­stofan ræddi við Árna var klukkan að nálg­ast hálf fjög­ur, en hann var þó ekki á heim­leið enn. „Nú er komið til­boð frá rík­inu og við ætlum að klára það líka. En það verður ekki jafn góður samn­ing­ur,“ sagði Árni að lok­um. 

Klukkan rúm­lega fimm skrif­uðu svo Sam­eyki og íslenska ríkið undir kjara­samn­ing og verk­föllum þeirra í kjöl­farið aflýst.

 

Það þýðir að skóla­hald, sem hefði ann­ars víða farið úr skorð­um, verður með eðli­legum hætti í dag. Sömu­leiðis munu þeir starfs­menn leik­skóla sem eru í Sam­eyki, og áttu að hefja verk­falls­að­gerðir í dag, mæta til starfa. 

Undir morgun bætt­ist við að samn­inga­­nefnd­ir Sjúkra­liða­fé­lags Íslands og Sam­­bands ís­­lenskra sveit­­ar­­fé­laga und­ir­­rit­uðu kjara­­samn­ing á sjötta tím­an­um og skömmu síðar bæj­­­ar­­starfs­­manna­­fé­lög inn­­an BSRB við fjár­­­mála- og efna­hags­ráð­herra fyr­ir hönd rík­­is­ins.

Því voru fimm kjara­samn­ingar kláraðir í nótt og nán­ast öllum boð­uðum verk­falls­að­gerðum aðild­ar­fé­laga BSRB aflýst.

Efl­ing fund­aði stíft með samn­inga­nefnd Reykja­vík­ur­borgar í gær og fram eftir nóttu, en þar liggur nið­ur­staða enn ekki fyr­ir. Fundi var slitið um tvöleyt­ið. Því standa verk­föll Efl­ing­ar­starfs­fólks, sem meðal ann­ars hafa haft gríð­ar­leg áhrif á starf­semi hjúkr­un­ar­heim­ila, leik­skóla og alla sorp­hirðu, enn yfir að óbreyttu líkt og þau hafa gert frá 16. febr­úar síð­ast­liðn­um.