Starfs­dagur verður í öllum leik- og grunn­skólum sveit­ar­fé­lag­anna á höf­uð­borg­ar­svæð­inu á mánu­dag, sem stjórn­endur og starfs­menn skól­anna munu nota til að skipu­leggja skóla­starfið í sam­ræmi við boðað sam­komu­bann sem tekur gildi aðfara­nótt mánu­dags.

Þetta kemur fram í til­kynn­ingu frá stjórn Sam­taka sveit­ar­fé­laga á höf­uð­borg­ar­svæð­inu. For­eldrar leik- og grunn­skóla­barna eru beðnir um fylgj­ast vel með upp­lýs­ingum sem birt­ast munu um helg­ina og á mánu­dag­inn, meðal ann­ars á vef­síðum sveit­ar­fé­lag­anna og heima­síðum grunn- og leik­skóla.

Einnig eru í und­ir­bún­ingi sam­eig­in­legar leið­bein­ingar sveit­ar­fé­laga á höf­uð­borg­ar­svæð­inu um frí­stunda­heim­ili, íþrótta­starf, íþrótta­mann­virki, skóla­hljóm­sveit­ir, og aðrar tóm­stundir barna. 

Breytt skóla­starf næstu vik­urnar

Eins og fram hefur komið í dag verður áfram kennt í leik- og grunn­skólum þrátt fyrir að sam­komu­bann verði í gildi næstu vik­ur. Þó verður skóla­haldið ákveðnum tak­mörk­unum háð.

Hvað grunn­skóla varð­ar, þá verður að tryggja að nem­endur í hverri kennslu­stofu séu ekki fleiri en 20 tals­ins og einnig að nem­endur bland­ist ekki á milli hópa, til dæmis í mötu­neyti eða frí­mín­út­um. Þá þarf að þrífa eða sótt­hreinsa skóla­bygg­ing­arnar eftir hvern ein­asta kennslu­dag. 

Leik­skólar mega hafa opið og halda uppi leik­skóla­starf­inu, ef þeir tryggja að börn séu í fámennum hópum og aðskilin eins og kostur er. Einnig þarf að þrífa eða sótt­hreinsa leik­skóla­bygg­ing­arnar eftir hvern dag.