Arnar Þór Ing­ólfs­son er nýr blaða­maður á rit­stjórn Kjarn­ans. Hann hóf störf í byrjun lið­innar viku. 

Arnar Þór hefur starfað sem blaða­maður í nokkur ár, fyrst í sum­ar­starfi hjá Aust­ur­frétt á Egils­stöðum árið 2015 og frá 2017 á Morg­un­blað­inu og mbl.­is.

Hann er 29 ára, stjórn­mála­fræð­ingur að mennt og lauk meist­ara­námi frá Árósa­há­skóla ára­mótin 2018/2019. ­Arnar Þór var ráð­inn úr stórum hópi umsækj­enda í kjöl­far þess að Kjarn­inn aug­lýsti eftir nýjum blaða­manni í síð­asta mán­uði, en hátt í hund­rað umsóknir bár­ust vegna starfs­ins.

Auk þess að sinna almennri frétta­vinnslu mun Arnar Þór hafa umsjón með enskri frétta­þjón­ustu Kjarn­ans, sem felur í sér útgáfu á ann­ars vegar dag­legu og hins vegar ítar­legra viku­legu frétta­bréfi. Ensku frétta­bréfin eru seld í áskrift. Hægt er að ger­ast áskrif­andi hér.

Kjarn­inn rekur frétta­vef, gefur út dag­­­­legan morg­un­­­­póst og heldur úti hlað­varps­­­­þjón­­­­ustu. Þá gefur Kjarn­inn út Vís­bend­ingu, viku­­­­rit um við­­­­skipti, efna­hags­­­­mál og nýsköp­un, og, líkt og áður sagði, ensk frétta­bréf.

Rit­­­stjórn­­­­­ar­­­stefna Kjarn­ans er að leggja áherslu á gæði og dýpt í umfjöll­unum sín­­­um. Að upp­­­lýsa almenn­ing í stað þess að ein­blína á að skapa vef­um­­­ferð. Þar er lögð áhersla á umfjöllun um alþjóða­­­mál, inn­­­­­lenda þjóð­­­mála­um­ræðu, við­­­skipti, efna­hags­­­mál, stjórn­­­­­mál og loft­lags- og umhverf­is­­­mál. 

Lyk­ill­inn að því að gera þetta kleift er Kjarna­­­sam­­­fé­lag­ið, þar sem ein­stak­l­ingar styrkja Kjarn­ann með mán­að­­­ar­­­legu fram­lagi. Hægt er að ger­­ast styrkt­­ar­að­ili hér að neð­­an.