Katrín Jak­obs­dóttir for­sæt­is­ráð­herra er komin í ein­angrun heima hjá sér þar til nið­ur­stöður úr sýna­töku vegna kór­ónu­veirunnar verða ljós­ar. Sonur hennar er í Mela­skóla en nokkrir bekkir skól­ans voru sendir í sótt­kví í gær.

Katrín greinir frá þessu á Face­book-­síðu sinni og segir að í kjöl­far þess að nem­endur í nokkrum bekkjum Mela­skóla hefðu verið sendir í sótt­kví hafi eig­in­maður hennar og yngsti son­ur­inn ákveðið að flytja út af heim­il­inu.

„Í kjöl­farið var ákveðið að ég færi í sýna­töku vegna kór­ónu­veiru. Þar var ég beðin um að halda mig heima þar til nið­ur­staða kæmi úr þeirri sýna­töku. Þar sem ég hef verið dug­leg að segja öllum að fylgja leið­bein­ingum heil­brigð­is­yf­ir­valda þá geri ég það að sjálf­sögðu líka – en það er ástæðan fyrir því að ég mætti ekki í óund­ir­búnar fyr­ir­spurnir í morgun (en ein­hverjir fjöl­miðlar hafa sent mér fyr­ir­spurnir um það). Við erum nefni­lega öll almanna­varnir og getum öll lagt okkar af mörkum til að hemja útbreiðslu veirunn­ar.“

Umhverf­is­ráð­herra í sótt­kví og þing­maður greindur með COVID-19

Guð­mundur Ingi Guð­brands­son, umhverf­is- og auð­linda­ráð­herra er einnig kom­inn í sótt­kví eftir að  ­sam­starfs­kona hans í ráðu­neyt­inu greind­ist með kór­ónu­veiruna. Smitrakn­ing­arteymið hafði sam­band við Guð­mund Inga í gær. „Ég hef ekki fundið fyrir nein­um ein­kennum og líður vel,“ skrifar hann á Face­book-­síðu sína.

Þá hefur Smári McCart­hy, þing­maður Pírata greinst með­ COVID-19. Hann greinir frá því á Face­book að hann hafi farið í sjálf­skip­aða ­sótt­kví fyrir viku eftir að hafa farið að hósta. Á föstu­dag hafi hann svo far­ið í sýna­töku og hún reynd­ist jákvæð. Smári seg­ist „þokka­lega hress“ og að hann f­inni fyrir vægum ein­kenn­um.

Bjarni Bene­dikts­son, fjár­mála- og efna­hags­ráð­herra, greind­i frá því í morg­un­út­varpi RÚV í morgun að það væru dæmi um að ráð­herrar í rík­is­stjórn hefðu látið prófa sig til að kanna hvort að þeir væru með COVID-19. Öll rík­is­stjórnin væri hins vegar ekki búin að því.