Flugferðum til og frá landinu fer fækkandi og framhaldið er óljóst

Ákvarðanir um flugáætlun Icelandair eru teknar dag frá degi og ekki er hægt að segja til um það í dag hvaða flug verða flogin næstu daga. Samkvæmt vef Keflavíkurflugvallar verður einungis flogið þaðan til London og Boston á morgun.

Það er lítið um að vera á Keflavíkurflugvelli þessa dagana.
Það er lítið um að vera á Keflavíkurflugvelli þessa dagana.
Auglýsing

Sam­kvæmt upp­lýs­ingum um brott­farir á vef Kefla­vík­ur­flug­vallar munu ein­ungis þrjár flug­vélar halda út í heim á morg­un, fimmtu­dag. Öllum öðrum flug­ferðum hefur verið aflýst. 

Hjá Icelandair eru ákvarð­anir um flug­á­ætl­un­ina teknar dag frá degi og „það liggur ekki ljóst fyrir núna hvaða flug verða flogin næstu daga,“ sam­kvæmt svari Ásdísar Ýrar Pét­urs­dóttur upp­lýs­inga­full­trúa flug­fé­lags­ins við fyr­ir­spurn Kjarn­ans.

Ásdís Ýr segir áreið­an­leg­ustu upp­lýs­ing­arnar um flug­á­ætl­un­ina að finna á vef Icelanda­ir, en breyt­ingar geti því miður átt sér stað með mjög skömmum fyr­ir­vara. Hún segir að flug­fé­lagið leggi sig fram við að hafa sam­band við þá far­þega sem verða fyrir áhrifum af breyt­ingum um leið og ákvarð­anir liggja fyr­ir.

Auglýsing

Í dag flaug Icelandair ein­ungis til London og Boston, auk þess sem flug­vél sneri til baka frá Toronto í Kanada. Þetta eru ein­ungis 11% af venju­legri áætlun félags­ins. Engin flug eru þannig á áætlun til og frá meg­in­landi Evr­ópu, en flogið hefur verið til og frá Amster­dam und­an­farna daga.

Flug­ferðum til og frá Íslandi hefur farið fækk­andi dag frá degi og útlit er fyrir að það gæti raun­ger­st, sem utan­rík­is­ráðu­neytið var­aði Íslend­inga erlendis við á dög­un­um, að flug­sam­göngur til og frá land­inu legg­ist af fyrir mán­aða­mót. Utan­rík­is­ráðu­neytið ítrek­aði þessi skila­boð til Íslend­inga á erlendri grundu í dag.

Tvær til London og ein til Boston

Í fyrra­málið fer, sam­kvæmt áætlun á vef Kefla­vík­ur­flug­vall­ar, eitt flug Icelandair til Heat­hrow-flug­vallar í London að morgni. Í hádeg­inu fer svo vél á vegum Brit­ish Airways sömu leið og síð­degis er flug Icelandair til Boston á áætl­un.

Þar með er það upp­talið og eru brott­farir á áætlun frá Kefla­vík­ur­flug­velli því ein­ungis tveimur fleiri en brott­far­irnar sem áætl­aðar eru frá flug­vell­inum á Vopna­firði á morg­un, eins og vopn­firski hag­fræð­ing­ur­inn Kon­ráð S. Guð­jóns­son bendir á.

Æ erf­ið­ara að finna greiða leið heim

Margir Íslend­ingar eru þó enn staddir erlend­is, alls að minnsta kosti 4.500 manns sem hafa skráð sig í gagna­grunn borg­ara­þjón­ustu utan­rík­is­ráðu­neyt­is­ins. 

Borg­ara­þjón­ustan  svar­aði 900 erindum frá fólki sem statt er erlendis dag­ana 20.-23. mars og eru fyr­ir­spurn­irnar að verða flókn­ari viður­eign­ar, sam­kvæmt því sem fram kom í stöðu­skýrslu almanna­varna­deildar rík­is­lög­reglu­stjóra í gær.

„Tölu­vert hefur borið á því að Íslend­ingar eigi í erf­ið­leikum með að finna greiða leið heim vegna landamæra­lok­ana og hertra skil­yrða fyrir milli­lend­ing­um,“ sagði þar, en unnið er með hinum Norð­ur­lönd­unum við að fylgj­ast með flug­fram­boði og kort­leggja hvar Norð­ur­landa­búar eru niður komn­ir, „sem gæti þurft að sækja ef þeir verða alveg inn­lyksa.“

Af þeim um það bil 4.500 Íslend­ingum í grunni borg­ara­þjón­ust­unnar sem enn eru erlendis eru tæp­lega þús­und manns með áætl­aða heim­för fyrir mán­aða­mót, um þús­und manns með áætl­aða heim­för á næstu tveimur mán­uðum en um 2.500 manns ekki með áætl­aða heim­för, sem bendir til þess að þessi hópur dvelji lang­dvölum erlend­is.

Margir enn staddir á Spáni

Sam­kvæmt því sem fram kom í stöðu­skýrsl­unni í gær eru lang­flestir Íslend­ingar erlendis staddir á Spáni, enn um 1.500 manns, sam­kvæmt grunni borg­ara­þjón­ust­unn­ar, en þó er tekið fram að ein­hverjir þeirra gætu hafa flýtt heim­för án þess að láta borg­ara­þjón­ust­una vita.

Icelandair til­kynnti síð­degis í dag að flug­ferð yrði farin frá Alicante á Spáni á föstu­dag. Ásdís Ýr segir að eft­ir­spurnin eftir flug­inu sé góð, en tómri vél verður flogið út og far­þegar ferjaðir til baka.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Katrín Jakobsdóttir forsætisráðherra.
Kærunefnd jafnréttismála verði einnig stefnt en ekki bara kæranda einum
Forsætisráðherra hefur lagt fram drög að breytingum á stjórnsýslu jafnréttismála, sem fela meðal annars í sér að kærendum í jafnréttismálum verði ekki lengur stefnt einum fyrir dóm, uni gagnaðili ekki niðurstöðu kærunefndar jafnréttismála.
Kjarninn 7. júlí 2020
Jair Bolsonaro, forseti Brasilíu.
Forseti Brasilíu greinist með COVID-19 en segist ekkert óttast
Jair Bolsonaro forseti Brasilíu greindi frá því í dag að hann hefði greinst með COVID-19, en hann hefur fundið fyrir slappleika frá því á sunnudag. Forsetinn hefur kallað veiruna aumt kvef, en 65.000 Brasilíumenn liggja í valnum eftir að hafa smitast.
Kjarninn 7. júlí 2020
Mikið var um að vera á COVID-19 göngudeild Landspítala í mars og apríl.
Færri alvarlega veikir – en er veiran að mildast?
Nokkrar ástæður geta verið fyrir því að alvarlegum kórónuveirutilfellum hefur fækkað verulega. Í nýju svari á Vísindavefnum er farið yfir nokkra möguleika sem kunna að útskýra hvers vegna veiran virðist vera að veikjast.
Kjarninn 7. júlí 2020
Víðir Reynisson, Þórólfur Guðnason og Alma Möller á upplýsingafundi dagsins.
Þórólfur þakkaði Íslenskri erfðagreiningu fyrir samstarfið
Sóttvarnalæknir segir að Íslensk erfðagreining hafi „nokkuð óvænt“ lýst því yfir í gær að hún muni hætta að skima á landamærum í næstu viku. Leitað verður annarra leiða til að halda landamæraskimun áfram.
Kjarninn 7. júlí 2020
Smári McCarthy, þingmaður Pírata.
Skrifist á Sjálfstæðisflokkinn og „hamfarakapítalismann þeirra“
Þingmaður Pírata segir að sama hvert litið er hafi Sjálfstæðisflokkurinn undanfarna áratugi notað valdastöðu sína til að moka verkefnum yfir á einkageirann en að ábyrgðin sé samt áfram hjá ríkinu. Þar vísar hann meðal annars til ástandsins í skimunum.
Kjarninn 7. júlí 2020
Lárus Sigurður Lárusson er fyrsti stjórnarformaður nýs Menntasjóðs námsmanna.
Lilja skipar Lárus sem stjórnarformann Menntasjóðs námsmanna
Lilja Dögg Alfreðsdóttir mennta- og menningarmálaráðherra hefur skipað Lárus Sigurð Lárusson lögmann sem stjórnarformann nýs Menntasjóðs námsmanna. Hann leiddi lista Framsóknar í Reykjavík norður til síðustu alþingiskosninga.
Kjarninn 7. júlí 2020
Kári Stefánsson, forstjóri ÍE.
Kári: Þú hreyfir þig ekki hægt í svona ástandi
Forstjóri Íslenskrar erfðagreiningar hefur boðið forsætisráðherra að koma til hans á fund í Vatnsmýrinni þar sem fyrirtækið er til húsa.
Kjarninn 7. júlí 2020
Jakob Már Ásmundsson, forstjóri Korta.
Fjártæknifyrirtækið Rapyd kaupir Korta
Fjártæknifyrirtækið Rapyd hyggst samþætta og útvíkka starfsemi Korta í posa- og veflausnum, ásamt því að „efla starfsemina á Íslandi með áframhaldandi vexti og ráðningu starfsfólks“.
Kjarninn 7. júlí 2020
Meira úr sama flokkiInnlent