Stjórnarandstaðan vill 30 milljarða króna innspýtingu til viðbótar

Fimm flokkar stjórnarandstöðunnar hafa náð saman um tillögur sem miða að aukinni innspýtingu vegna baráttunnar við kórónuveiruna. Stjórnarandstaðan segist hafa unnið að því að mynda þverpólitíska samstöðu, en ríkisstjórnin hafi ekki sýnt vilja til þess.

Úr þingsal.
Úr þingsal.
Auglýsing

Allir fimm flokk­arnir sem sitja í stjórn­ar­and­stöðu: Mið­flokk­ur­inn, Sam­fylk­ing­in, Pírat­ar, Við­reisn og Flokkur fólks­ins, hafa lagt fram sam­eig­in­legar til­lögur um efna­hags­að­gerðir til við­bótar þeim sem rík­is­stjórnin hefur þegar lagt fram og kynnt. Flokk­arnir fimm eru sam­mála um að til­lögur rík­is­stjórnar Katrínar Jak­obs­dóttur gangi of skammt þegar kemur að því að auka opin­bera fjár­fest­ingu, styðja við nýsköpun og styrkja vel­ferð­ar­kerfið vegna yfir­stand­andi bar­áttu við afleið­ingar útbreiðslu veirunnar sem veldur COVID-19 sjúk­dómn­um.

Sam­tals eiga til­lögur stjórn­ar­and­stöð­unnar að kosta 30 millj­arða króna ef þær yrðu að veru­leika. Lagt er til að níu millj­örðum til við­bótar verði beint inn í tækni, sprota- og skap­andi verk­efn­i,  við­bót­ar­fjár­fest­ingar í vega­kerf­inu verði upp á níu millj­arða króna, tæpum fimm millj­örðum verði varið í fjár­fest­ingar í hjúkr­un­ar­heim­ilum og öðrum fast­eignum hins opin­bera, og rúmum sjö millj­örðum króna verði varið til vel­ferð­ar­mála.

Auglýsing
Í til­kynn­ingu vegna þessa segja full­trúar flokk­anna fimm að þeir muni áfram sem áður styðja aðgerðir rík­is­stjórn­ar­innar sem miði í rétta átt, þótt brýnt sé að meira verði gert. „Full­trúar stjórn­ar­and­stöð­unnar hafa unnið ötul­lega og af heil­indum að því að ná þverpóli­tískri sam­stöðu innan Alþingis um nauð­syn­legar aðgerðir til við­spyrnu fyrir íslenskt efna­hags­líf vegna útbreiðslu Kór­óna­veirunn­ar. Var sú vinna unnin í trausti þess að vilji væri til slíkrar sam­stöðu og sam­vinnu af hálfu rík­is­stjórn­ar­inn­ar. Því miður reynd­ist svo ekki vera. Sú nið­ur­staða olli von­brigð­um, sér­stak­lega í ljósi ítrek­aðra yfir­lýs­inga rík­is­stjórn­ar­flokk­anna um breytt vinnu­brögð. Stjórn­ar­and­stöðu­flokk­arnir standa því saman að breyt­ing­ar­til­lögu með þeim verk­efnum og stuðn­ingi sem þeir telja nauð­syn­leg og ekki náð­ust í gegn í vinnu þings­ins í lið­inni viku. Mik­il­vægt er að missa ekki sjónar af tak­mark­inu um vernd og upp­bygg­ingu íslensks atvinnu­lífs.“

Til­lögur stjórn­ar­and­stöð­unnar eins og þær eru settar fram:

1. Nýsköpun og sprota­fyr­ir­tæki: 9,1 millj­arður kr.

Stjórn­ar­and­staðan leggur m.a. áherslu á nýsköp­un, rann­sóknir og skap­andi grein­ar. Þá skiptir máli að aðgerðir stjórn­valda nái til beggja kynja. Hækka á þak á end­ur­greiðslum rann­sókn­ar- og þró­un­ar­kostn­aðar (1,5 makr) en það mun flytja fjöl­mörg verk­efni til lands­ins. Setja á 1 millj­arð kr.  í Tækni­þró­un­ar­sjóð sem myndi næstum tvö­falda þennan lyk­il­sjóð. Annar millj­arður fer í Rann­sókn­ar­sjóð og Inn­viða­sjóð. Þá mun hálfur millj­arður renna til menn­ing­ar, íþrótta og lista þar sem veru­legt tekju­tap hefur orðið vegna far­ald­urs­ins. Keilir og Mið­stöð Símennt­unar á Suð­ur­nesjum fá 100 mkr. og Lofts­lags­sjóð­ur, þar með talið skóg­rækt, fá hálfan millj­arð kr. Þá munu fram­lög til rann­sókna og nýsköp­unar í land­búnað (s.s. græn­met­is­rækt) fá hálfan millj­arð. Þá leggur stjórn­ar­and­staðan til tíma­bundna nið­ur­fell­ingu eða lækkun trygg­ing­ar­gjalds upp á 4 millj­arða kr. fyrir fyr­ir­tæki með 7 eða færri starfsmenn.

2. Vega­fram­kvæmdir og við­hald: 9 millj­arðar kr.

Lagt er til að ráð­ist verði í mann­afls­frekar fram­kvæmdir sem hægt er að ráð­ast í á þessu ári. Verður Vega­gerð­inni falið að meta hvaða verk­efni (5 makr) gætu bæst við en þar má nefna t.d. flýt­ingu á fram­kvæmdum við Reykja­nes­braut, Suð­ur­lands­veg og Vest­ur­lands­veg sé þess kost­ur. Þá er lagt til að 3 makr verði ráð­ist í við­hald og tengi­vegi vega­kerf­is­ins þar sem Vega­gerð­inni verði falið að meta brýn­ustu verk­efnin í hverjum lands­hluta. Millj­arði kr. verður varið í flýt­ingu fram­kvæmda vegna skipu­lags­mála á höf­uð­borg­ar­svæð­inu og í göngu- og hjóla­stíga.

3. Fast­eignir og aðrar fjár­fest­ing­ar: 4,6 millj­arðar kr.

Ráð­ist verður í átak í upp­bygg­ingu hjúkr­un­ar­heim­ila á Suð­vest­ur­horni lands­ins fyrir 2 millj­arða kr. Einnig verða opnuð ný rými sem nú þegar eru til en vantar rekstr­ar­fjár­magn upp á 1 millj­arð kr. Þetta mun leysa bráða­vanda, fjölga störfum og létta álagi af sjúkra­stofn­unum lands­ins. Ráð­ist verði í önnur minni verk­efni sem eru start­hol­unum og má þar nefna stuðn­ing við fram­kvæmdir sveit­ar­fé­laga t.d. sem varðar frá­veitu­mál (300 mkr), 300 mkr. í sókn­ar­á­ætlun lands­hluta, fram­kvæmdir við flug­hlað á Akur­eyri og á Egils­staða­flug­velli (300 mkr), 100 mkr í flug­stöð­ina á Akur­eyri, 200 mkr. í Tækni­skól­ann, end­ur­gerð sögu­legra inn­rétt­inga Bessa­staða­kirkju (100 mkr), við­halds­verk­efni við Hóla í Hjalta­dal (100 mkr.), fram­kvæmdir við íþrótta­hús VMA (100 mkr), og Húsa­safn Þjóð­minja­safns­ins (100 mkr.).

4. Vel­ferð­ar­mál: 7,3 millj­arður kr.

Vegna ótrú­legs álags er lagt til að greidd verði sér­stök 200.000 kr. ein­greiðsla til þess starfs­fólks í heil­brigð­is- og félags­þjón­ustu sem hefur unnið við umönnun Covid smit­aðra sjúk­linga. Sam­hliða þess­ari greiðslu er sér­stak­lega hvatt til að rík­is­valdið gangi frá kjara­samn­ingum við þær heil­brigð­is­stéttir sem ósamið er við. Þá er lagt til aukið fram­lag til vaxta- og hús­næð­is­bóta til að mæta fyr­ir­sjá­an­legri kaup­mátt­ar­skerð­ingu (3 mak­r.) en það nær til tekju­lágra ein­stak­linga. Stjórn­ar­and­staðan leggur til að eldri borg­arar fái sam­bæri­lega ein­greiðslu og öryrkjar fá, upp á 20.000 kr. Fram­lög við­fyr­ir­sjá­an­legan kostnað heil­brigð­is­kerfis vegna far­ald­urs­ins verða aukin um millj­arð kr og 200 mkr. verða lagðar til að fjölgun NPA samn­inga. Loks verða 200 mkr. lagðar til við SÁÁ m.a. vegna minnk­andi sjálfa­fla­fjár í kjöl­far far­ald­urs­ins og 100 mkr. renna til auk­ins stuðn­ings til fjöl­skyldna lang­veikra barna sem hafa orðið fyrir tals­verðu tekju­tapi vegna far­ald­urs­ins.

Heild­ar­töl­urnar í súlu­rit­inu hér að neðan byggja á útreikn­ingum Deloitte á umfangi aðgerða í nokkrum nágranna­löndum Íslands með til­liti til lands­fram­leiðslu. Löndin nota ólíkar skil­grein­ingar á umfangi aðgerða en í til­viki Íslands er gerður grein­ar­munur á eðli aðgerð­anna. Dökk­bláa súlan sýnir nýtt fram­lag rík­is­ins, heið­bláa súlan sýnir áður boð­aðar aðgerðir (hluta­starfa­leið og fjár­fest­inga­á­form) og sú ljós­bláa hugs­an­legar lán­veit­ingar bank­anna, tíma­bundna frestun skatt­greiðslna, úttekt sér­eigna­sparn­aðar o.fl.Umfang aðgerða.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Ferðaþjónustufyrirtæki réðust í verulegar fjárfestingar á síðustu árum.
Útlit var fyrir fjórðungs fjölgun hótelherbergja
Nýting hótelherbergja hér á landi hafði versnað fyrir útbreiðslu faraldursins en þrátt fyrir það var útlit fyrir allt að fjórðungs fjölgun hótelherbergja 2020-2022. Hætt var því við að nýting hótela hefði enn versnað þótt COVID-19 hefði ekki komið til.
Kjarninn 3. júní 2020
Fasteignamat íbúðarhúsnæðis lækkar víða miðsvæðis í Reykjavík
Fasteignamat Þjóðskrár á íbúðarhúsnæði lækkar víða miðsvæðis í Reykjavík frá yfirstandandi ári. Mikill munur er á þróun fasteignamatsins á milli hverfa höfuðborgarsvæðisins. Hæsta fermetraverðið á landinu er í Vesturbæ Reykjavíkur og Skerjafirði.
Kjarninn 2. júní 2020
Frá og með 15. júní býðst komufarþegum að fara í sýnatöku í stað sóttkvíar.
Efnahagsleg áhrif af opnun landsins „hjúpuð óvissu“
Efnahagslegar afleiðingar af því að halda landinu áfram lokuðu yrðu „gríðarlegar“. Alls óvíst er hvenær hægt yrði að aflétta ferðatakmörkunum án áhættu á að veiran berist hingað á ný. Boðið verður upp á sýnatöku við landamæri Íslands frá miðjum júní.
Kjarninn 2. júní 2020
Lýður og Ágúst Guðmundssynir.
Athugasemdir frá Lýð og Ágústi Guðmundssonum
Kjarninn 2. júní 2020
Ásmundur Einar Daðason er með húsnæðismálin á sinni könnu sem félagsmálaráðherra.
Áætlað að 4.000 manns búi í atvinnuhúsnæði á höfuðborgarsvæðinu
Samkvæmt nýlegu mati er áætlað að um 4.000 manns búi nú í atvinnu- og iðnaðarhúsnæði á höfuðborgarsvæðinu. Ásmundur Einar Daðason félagsmálaráðherra segist ætla að leggja fram frumvarp sitt um hlutdeildarlán á yfirstandandi þingi.
Kjarninn 2. júní 2020
Guðmundur Guðmundsson
Hlutverk vetnis í orku- og loftslagsmálum framtíðarinnar
Kjarninn 2. júní 2020
Með öllu óvíst er hversu hratt ferðaþjónustan mun geta tekið við sér eftir þetta áfall og stutt við efnahagsbatann.
Vísbendingar um að botninum sé náð
Heimili á Íslandi hafa sótt um að taka 13 milljarða króna út úr séreignarsparnaði og um 6.000 heimili hafa fengið greiðslufrest af lánum. Þá hafa vaxtalækkanir skilað sér í lægri afborgunum af lánum, ekki síst til heimila.
Kjarninn 2. júní 2020
Þórólfur Guðnason sóttvarnalæknir.
Sóttvarnalæknir: Áhættan virðist ekki vera mikil
PCR-mæling hjá einkennalausum einstaklingum er ekki óyggjandi próf til að greina SARS-CoV-2 veiruna, segir sóttvarnalæknir. 0-4 dögum eftir smit geti niðurstaða úr sýnatöku verið neikvæð hjá þeim sem er smitaður.
Kjarninn 2. júní 2020
Meira úr sama flokkiInnlent