Þor­björg Mar­in­ós­dótt­ir, einnig þekkt sem Tobba Mar­inós, hefur verið ráðin nýr rit­stjóri DV. Frá þessu er greint á vef DV.

Þar er haft eftir henni að vilji sé til þess að DV verði „léttur og skemmti­legur mið­ill sem segi harðar fréttir í bland en sé umfram allt með vönduð efn­is­tök.“ Rist­jórn­ar­stefna DV verði hins vegar löguð að rit­stjórn­ar­stefnu Torgs, fjöl­miðla­fyr­ir­tæk­is­ins sem nýverið keypti útgáf­una, og það fela í sér nokkrar breyt­ing­ar.

Papp­írs­út­gáfa DV, sem hefur komið út einu sinni í viku á föstu­dög­um, verður við­hald­ið. Hlé verður hins vegar gert á papp­írs­út­gáf­unni meðan unnið verður að breyt­ingum útlits og efn­istaka.

Kjarn­inn greindi frá því í gær að Lilja Katrín Gunn­­ar­s­dóttir væri hætt störfum sem rit­­stjóri DV og að nýr rit­­stjóri yrði kynntur til leiks fljót­lega. Alls var á annan tug starfs­manna Frjálsrar fjöl­miðl­un­ar, útgáfu­fé­lags DV, jafnt blaða­­mönnum sem sölu­­mönn­um, sagt upp störf­um. 

Sam­keppn­is­eft­ir­litið sam­­þykkti í síð­­­ustu viku sam­runa Torgs ehf., eig­anda Frétta­­blaðs­ins og Hring­braut­­ar,  og Frjálsrar fjöl­mið­l­unar ehf., útgef­anda DV og tengdra miðla. í frétt á vef eft­ir­lits­ins kom fram að sam­runi Torgs og Frjálsrar fjöl­mið­l­unar myndi ekki leiða til þess að mark­aðs­ráð­andi staða yrði til eða styrkist, eða að sam­keppni verði raskað að öðru leyti með umtals­verðum hætti. „Þá er það jafn­­framt nið­­ur­­staða eft­ir­lits­ins, með hlið­­sjón af umsögn fjöl­miðla­­nefnd­­ar, að ekki sé til­­efni til að grípa til íhlut­unar vegna áhrifa sam­run­ans á fjöl­ræði og fjöl­breytni í fjöl­mið­l­un. Af þeim sökum er það nið­­ur­­staða eft­ir­lits­ins að ekki séu for­­sendur til að aðhaf­­ast vegna þessa sam­runa.“

Fimmt­u­­dags­­kvöldið 13. des­em­ber síð­­ast­lið­inn greindi Kjarn­inn frá því að Torg væri að kaupa DV og tengda miðla af Frjálsri fjöl­mið­l­un. Útgáfu­­­fé­lögin stað­­­festu svo kaupin dag­inn eft­­­ir.

Botn­­laust tap

Frjáls fjöl­miðlun hóf starf­­­­­semi í sept­­­­­em­ber 2017. Félagið keypti þá fjöl­mið­l­a Pressu­­­­­­­sam­­­­­­­stæð­unn­­­­­­­ar: DV, DV.is, Eyj­una, Press­una, Bleikt, Birtu, Dokt­or.is, 433.is og sjón­­­­­­­varps­­­­­­­stöð­ina ÍNN. ÍNN var síðar sett í þrot.

Skráður eig­andi að öllu hlutafé í Frjálsri fjöl­miðlun er félagið Dals­dalur ehf. Eig­andi þess er skráður lög­­­­­­­mað­­­­ur­inn Sig­­­­urður G. Guð­jóns­­­­son. 

Á fyrstu fjórum mán­uðum starf­­­­sem­innar tap­aði félagið 43,6 millj­­­­ónum króna. Á síð­­­­asta ári jókst tapið umtals­vert og var um 240 millj­­­­ónir króna. Sam­tals tap­aði fjöl­miðla­­­­sam­­­­stæðan því 283,6 millj­­­­ónum króna á 16 mán­uð­u­m. 

Sam­­­­kvæmt árs­­­­reikn­ingi Frjálsrar fjöl­miðlar skuld­aði sam­­­­stæðan 610,2 millj­­­­ónir króna í lok árs 2018. Þar af voru lang­­­­tíma­skuldir 506,7 millj­­­­ónir króna og voru að nán­­­­ast öllu leyti við eig­and­ann, Dals­­­­dal. 

Eina eign Dals­dals er Frjáls fjöl­miðlun og skuld þess við félag­ið.

Ekki hefur verið greint frá því hver það er sem fjár­­­­­­­magnar Dals­­­­dal í árs­­­­reikn­ingn­­­­um.

Síð­­ast­lið­inn föst­u­dag var Frjáls fjöl­miðlun dæmd til að greiða Fjár­­­fest­inga­­fé­lag­inu Daln­um, í eigu Hall­­dórs Krist­­manns­­sonar sem á fjöl­miðla­­fyr­ir­tækið Birt­ing, 15 millj­­ónir króna.