„Nú í morgun barst óvenju­stór gjöf með frakt­flug­vél að utan þegar Land­spít­al­inn fékk 17 nýjar og mjög full­komnar gjör­gæslu­önd­un­ar­vélar að gjöf. Þýskar Heyer Med­ical-­vél­ar.“ Þetta sagði Páll Matth­í­as­son, for­stjóri Land­spít­al­ans, á upp­lýs­inga­fundi almanna­varna í dag. 

Að gjöf­inni standa 14 íslensk fyr­ir­tæki og Páll sagði að með henni vildu fyr­ir­tækin leggja sitt að mörkum við að styðja við íslenskt heil­brigð­is­kerfi á erf­iðum tím­um. „En fyr­ir­tækin sem standa að gjöf­inni þau kjósa að láta nafns síns ekki get­ið.“

Til við­bótar keyptu fyr­ir­tækin 14 umtals­vert magn af sér­stökum hlífð­ar­fatn­aði og ýmsar lækn­inga­vörur fyrir starfs­fólk heil­brigð­is­kerf­is­ins. „Um er að ræða 6.500 svo­kall­aðar N95-­sótt­varn­ar­grím­ur, þús­und varn­ar­gall­ar, 2.500 varn­ar­gler­augu og 140 þús­und veir­up­inna. Það þarf ekki að fjöl­yrða um mik­il­vægi þess­ar­ara bún­aðar alls,“ sagði Páll.

Í máli hans kom fram að þegar er búið að afhenda 11 önd­un­ar­vélar en sex verða afhentar í næstu viku. Hann minnti á að Land­spít­al­inn væri birgð­ar­stöð fyrir öll sjúkra­húsin á lands­byggð­inni og því væri mik­il­vægt að leggja áherslu á að gjöfin nýt­ist land­inu öllu. 

Hann sagði að þrot­laus vinna, útsjón­ar­semi og harð­fylgi lægi að baki því að koma þessum bún­aði til lands­ins enda væru öll ríki heims í kapp­hlaupi um þessar vörur um þessar mund­ir. Öll sú vinna hafi verið unnin í sam­vinnu við Land­spít­al­ann og gerð til að mæta þörfum hans. „Gjöfin er einkar vel tíma­sett og snýst um búnað sem munar mikið um.“