Þrátt fyrir að fjöldi nýrra smita sé á nið­ur­leið má fólk ekki slaka á varð­andi hand­þvott og sam­skipta­fjar­lægð, að sögn Ölmu Möller land­læknis og Víðis Reyn­is­sonar yfir­lög­reglu­þjóns hjá almanna­varna­deild rík­is­lög­reglu­stjóra. Áætlun um hvernig slakað verður á sam­komu­banni verður kynnt síðar í vik­unn­i.

Alma fór yfir stöð­una í far­aldr­inum á dag­legum upp­lýs­inga­fundi dags­ins og sagði að talið væri að smit yrði áfram við­var­andi á Íslandi, en í litlum mæli.  Þó gætu komið upp minni hóp­sýk­ing­ar. „Þá þurfum við að grípa til harð­ari aðgerða,“ sagði land­lækn­ir.

Sam­komu­bann, í núver­andi mynd, er í gildi til 4. maí og því verður aflétt í mjög hægum skref­um. Víðir sagði á fund­inum að áætlun um hvernig þessi skref yrðu stigin yrði kynnt síðar í þess­ari viku, en verið er að leggja loka­hönd á hana. 

Þá verður meðal ann­ars, að sögn Víð­is, til­kynnt hvernig verður unnt að opna aftur fyrir sund­ferðir og lík­ams­rækt­ar­ferð­ir.

„Það sem er lyk­il­at­riði í þessu og allir heims­ins sér­fræð­ingar eru sam­mála um er að þetta þarf að ger­ast mjög hægt. Það þarf að losa mjög hægt um þessar tak­mark­anir og sjá hvernig það kemur út áður en farið er í næst­u,“ sagði Víð­ir. Ann­ars gæti farið svo að annar toppur kæmi í far­ald­ur­inn, með auknu álagi á heil­brigð­is­kerf­ið.

Fram­tíð ferða­laga þurfi að skoða í alþjóð­legu sam­starfi

Víðir sagði einnig, spurður hvort eitt­hvað lægi fyrir um hvernig ferða­lögum yrði mögu­lega háttað þegar slakað yrði á sam­komu­bönn­um, að það væri í skoðun hjá ýmsum alþjóð­legum stofn­un­um.Svo væri hvert ríki fyrir sig að skoða hlut­ina og Ísland einnig. 

Þó er ljóst, að sögn Víð­is, að ákvarð­anir um hvernig ferða­lögum verður háttað þarf að taka í alþjóð­legu sam­starfi. Hann sagð­ist búast við því við því að eitt­hvað liggi nánar fyrir um fram­tíð ferða­laga á næstu vik­um.