Kol­beinn Ótt­ars­son Proppé, þing­maður Vinstri grænna, segir millj­arða­kröfur sjö útgerð­ar­fyr­ir­tækja á hendur rík­inu vegna mak­rílút­hlut­unar „forkast­an­legar og til dæmis um fárán­lega græðgi og óbil­girn­i“.  

Fjallað var um kröf­urnar hér á Kjarn­anum í gær, eftir að upp­lýs­ingar um þær birt­ust á vef Alþingis í svari Krist­jáns Þórs Júl­í­us­sonar sjáv­ar­út­vegs- og land­bún­að­ar­ráð­herra við fyr­ir­spurn Þor­gerðar Katrínar Gunn­ars­dótt­ur.

Kjarn­inn bíður þess enn að fá stefnur sjáv­ar­út­vegs­fyr­ir­tækj­anna afhent­ar, eftir að hafa kært synjun rík­is­lög­manns á aðgengi að þeim til úrskurð­ar­nefndar um upp­lýs­inga­mál og haft bet­ur. 

Útgerð­irnar sjö, sem eru að krefja ríkið um 10,2 millj­arða króna auk hæstu mögu­legu vaxta sökum þess að ekki var rétt staðið að úthlutun á mak­ríl­kvóta um ára­bil, vildu ekki að fjöl­miðlar fengju upp­lýs­ingar um kröf­urn­ar. 

Úrskurð­ar­nefndin komst þó að þeirri nið­ur­stöðu í upp­hafi mán­aðar að hags­munir almenn­ings af aðgangi að upp­­­lýs­ingum um mála­til­­­búnað einka­að­ila á hendur íslenska rík­­­inu væru rík­ari en hags­munir sjá­v­­­­ar­út­­­­­vegs­­­fyr­ir­tækj­anna af því að þær færu leynt þar til dómar væru gengnir í mál­un­um.

„Þessar kröfur eru for­kast­an­legar og til dæmis um fárán­lega græðgi og óbil­girni. Ágætt er að hafa í huga að dóm­ur­inn, sem kröf­urnar byggja á, fjall­aði ekki um að umrædd úthlutun hefði verið ósann­gjörn, aðeins að hún hefði átt heima í lögum en ekki reglu­gerð,“ skrifar Kol­beinn um málið á Face­book í dag.

Þar ritar þing­mað­ur­inn einnig að „holur hljóm­ur“ sé í umkvört­unum útgerð­anna vegna veiði­gjalda nú og að það þurfi að hljóta „að setj­ast sér­stak­lega yfir upp­sjáv­ará­lag­ið, skoða hvort það sé nógu hátt.“

„Þessar útgerðir verða dæmdar af verkum sín­um, ef þær ætla að halda því til streitu að sæl­ast eftir 10-15 millj­örðum úr rík­is­sjóði (þegar vextir eru taldir með) í eigin vasa, í þeirri stöðu sem við nú erum í þar sem við þurfum hverja krónu til að kom­ast saman í gegnum erfitt efna­hags­á­stand,“ skrifar Kol­beinn.