Katrín Jak­obs­dóttir gaf munn­lega skýrslu vegna COVID-19 far­ald­urs­ins og við­bragða stjórn­valda við upp­haf þing­fundar í dag og fór þar yfir þær aðgerðir sem næstar eru á dag­skrá hjá stjórn­völd­um. Hún­ ­sagði að stjórn­völd gerðu nú ráð fyrir því að fram­lengja hluta­bóta­leið­ina, en að rík­is­stjórnin gerði ráð fyrir því að gera hugs­an­lega ein­hverjar breyt­ingar á henni, „út frá þeirri reynslu sem komin er á leið­ina“. 

„Upp­haf­lega mark­miðið var að þessi leið væri fyrir launa­fólk í land­inu, fyrst og fremst, til þess að tryggja afkomu launa­fólks og þess vegna var hún mjög opin og sam­þykkt mjög opin hér á Alþingi. Þetta þarf að meta núna þegar við skoðum fram­kvæmd leið­ar­inn­ar,“ sagði Katrín.

For­sæt­is­ráð­herra sagði einnig að það stytt­ist í að við færum að sjá fram­kvæmd brú­ar­lána með rík­is­á­byrgð, en hún sagði að Seðla­bank­inn og ríkið væru við það að ná samn­ingum um fram­kvæmd­ina, ef samn­ingar hefðu þá ekki þegar náðst fyrr í dag.

Katrín sagð­ist einnig ánægð með sam­stöð­una í sam­fé­lag­inu, en fór líka fram á það að sjö fyr­ir­tæki í sjáv­ar­út­vegi drægju millj­arða­kröfur sínar á hendur rík­inu vegna mak­rílút­hlut­anna til baka og sýndu með því ábyrgð.

Lítil fyr­ir­tæki, ein­yrkjar og náms­menn

Hún sagði að það blasti við að rík­is­stjórnin þyrfti að kynna frek­ari aðgerðir til skemmri tíma til að hjálpa litlum fyr­ir­tækjum sem hefðu þurft að loka vegna sótt­varna­ráð­staf­ana, ein­yrkjum sem ekki gætu sinnt vinnu sinni og náms­mönn­um, sem margir hverjir hafa ekki fengið sum­ar­störf.

Hún sagði einnig að þegar far­ald­ur­inn væri lið­inn hjá myndi ný heims­mynd blasa við, sem erfitt væri að sjá fyrir sér á þessum tíma­punkt­i. „Sumt munum við ekki ráða við, um það hvernig málin þróast, en við getum ráðið við ansi margt. Eins og ég hef ítrekað sagt stendur íslenskt sam­fé­lag vel til þess að takast á við þennan far­ald­ur,“ sagði Katrín og nefndi sterka stöðu rík­is­fjár­mál­anna, lágt vaxta­stig og sam­fé­lags­legar stoðir eins og skóla­kerfið og heil­brigð­is­starf­ið. 

„Í öllum kreppum fel­ast nýir mögu­leik­ar. Við höfum tæki­færi til að byggja hér upp á sviði nýsköp­un­ar, rann­sókna og þró­un­ar,“ sagði Katrín og bætti við að mögu­lega myndi far­ald­ur­inn virka eins og „hrað­all fyrir fjórðu iðn­bylt­ing­una“ þar sem vænt­an­legar breyt­ingar myndu ganga yfir hrað­ar.

Þá hefði far­ald­ur­inn minnt á það hversu hátt hlut­fall mat­væla á Íslandi væri inn­flutt. „Getum við ekki gert betur í því að fram­leiða aukið hlufall okkar mat­væla hér heima, og vera þannig öðrum minna háð um inn­flutn­ing mat­væla?“ spurði for­sæt­is­ráð­herra.