For­svars­menn sex einka­rek­inna fjöl­miðla­fyr­ir­tækja sem starf­rækja frétta­rit­stjórnir sendu nýverið áskorun á á Lilju D. Alfreðs­dótt­ur, mennta- og menn­ing­ar­mála­ráð­herra, og Katrínu Jak­obs­dóttur for­sæt­is­ráð­herra. Í bréf­inu, sem for­svars­menn Kjarn­ans, Sýn­ar, Árvak­urs, Torgs, Stund­ar­innar og Birt­ings skrif­uðu und­ir, var skorað á ráð­herr­anna tvo að beita sér­ ­fyrir því að styrkja rekstr­ar­grund­völl einka­rek­inna fjöl­miðla svo þeir hafi mögu­leika á að standa af sér tekju­tap vegna sam­dráttar í sam­fé­lag­in­u. 

Bréfið í heild má lesa hér að neð­an:

Áskorun um aðgerðir

Rekstr­ar­um­hverfi einka­rek­inna fjöl­miðla hefur verið óhag­stætt og óheil­brigt und­an­farin ár. Við því átti að bregð­ast með aðgerðum sem kynntar voru í frum­varpi mennta­mála­ráð­herra til breyt­inga á lögum um fjöl­miðla sem nú ríkir óvissa um eftir að starfs­á­ætlun þings­ins var lögð til hlið­ar. Í því er lagt til að einka­reknir fjöl­miðlar fái tíma­bund­inn stuðn­ing í formi end­ur­greiðslu á hluta kostn­aðar sem fellur til við að afla og miðla frétt­um, frétta­tengdu efni og umfjöllun um sam­fé­lags­leg mál­efni hér á landi, eins og það er orðað í frum­varp­in­u. 

Breyt­ingar á lögum um fjöl­miðla höfðu þann til­gang að treysta rekstr­ar­grund­völl einka­rek­inna fjöl­miðla, miðað við þá stöðu sem var uppi þegar frum­varpið var fyrst kynnt, í lok árs 2019. Nú, þegar komið er nálægt páskum árið 2020, hefur staða miðl­anna versnað enn frek­ar. Mik­il­vægi fjöl­miðla hefur þó sjaldan verið meira í því ástandi sem skap­ast hef­ur. Sterkir fjöl­miðlar eru sér­stak­lega mik­il­vægir sam­fé­lag­inu núna, bæði vegna við­ur­kennds almanna­varna­hlut­verks og vegna aðhalds- og umræðu­hlut­verks þeirra á tímum hraðra laga­breyt­inga og for­dæma­lauss inn­grips yfir­valda hér og ann­ars stað­ar.

Við, und­ir­rit­uð, skorum á stjórn­völd að grípa til aðgerða þegar í stað til að styrkja rekstr­ar­grund­völl einka­rek­inna fjöl­miðla svo þeir hafi mögu­leika á að standa af sér það tekju­tap sem fram undan er vegna sam­dráttar í efna­hags­líf­inu.

Við köllum eftir því að gripið verði til sér­stakra aðgerða til að styðja við fjöl­miðla. Víð­tækir erf­ið­leikar í hag­kerf­inu kalla á að ekki ein­ungis verði gripið til aðgerða til stuðn­ings fjöl­miðlum byggðum á fyr­ir­liggj­andi ósam­þykktu frum­varpi, sem gildir fyrir rekstr­ar­árið 2019, heldur að rík­is­stjórnin beiti sér fyrir frek­ari aðgerð­um, sem gætu verið tíma­bundn­ar, til að styðja einka­rekna fjöl­miðla í að mæta þeim vanda sem steðjar nú að vegna heims­far­ald­ur­s. 

Virð­ing­ar­fyllst,

Eyrún Magn­ús­dótt­ir, fram­kvæmda­stjóri Kjarn­ans miðla 

Har­aldur Johann­essen, fram­kvæmda­stjóri Árvak­urs

Jóhanna Helga Við­ars­dótt­ir, for­stjóri Torgs 

Jón Trausti Reyn­is­son, fram­kvæmda­stjóri Stund­ar­inn­ar 

Sig­ríður Dagný Sig­ur­björns­dótt­ir, fram­kvæmda­stjóri Birtíngs útgáfu­fé­lags

Þór­hallur Gunn­ars­son, fram­kvæmda­stjóri fjöl­miðla Stöðvar 2 og Voda­fone (Sýn)