Seðla­banki Íslands hefur greint frá því að hann muni hefja kaup á skulda­bréfum rík­is­sjóðs á eft­ir­mark­aði í byrjun maí­mán­að­ar. Pen­inga­stefnu­nefnd bank­ans til­kynnti að kaupin myndu verða í yfir­lýs­ingu sem hún sendi frá sér 23. mar­s. 

Heild­ar­fjár­hæð kaupanna mun geta numið allt að 150 millj­örðum króna en fram­kvæmd þeirra verður þannig að Seðla­bank­inn mun til­kynna fyr­ir­fram um hámarks fjár­hæð skulda­bréfa­kaupa í hverjum árs­fjórð­ungi. Á öðrum árs­fjórð­ungi, sem lýkur í lok júní, mun bank­inn kaupa bréf fyrir allt að 20 millj­arða króna.

Í til­kynn­ingu sem Seðla­banki Íslands sendi frá sér í dag segir að kaupin muni bein­ast að öllum mark­flokkum óverð­tryggðra rík­is­bréfa í íslenskum krónum með gjald­daga á árunum 2021, 2022, 2025, 2028 og 2031 og nýjum mark­flokkum óverð­tryggðra rík­is­bréfa sem kunna að bæt­ast við. Seðla­bank­inn mun fram­kvæma kaupin annað hvort með því að leggja fram til­boð í við­skipta­kerfi Kaup­hallar Nas­daq eða með útboði. Kaupin munu hefj­ast með fram­lagn­ingu til­boða í við­skipta­kerfi Kaup­hall­ar­inn­ar.

Kaupin á skulda­bréf­unum eru svokölluð magn­bundin íhlut­un. Mark­mið kaupanna er að tryggja miðlun pen­inga­stefn­unnar út vaxtarófið til að slak­ara taum­hald pen­inga­stefn­unnar skili sér með eðli­legum hætti til heim­ila og fyr­ir­tækja. Með öðrum orðum þá er þetta gert til þess að hafa bein áhrif á lang­tíma­kröfur á þau bréf, til lækk­un­ar. Á manna­máli þýðir þetta að ríkið mun fá lægri vexti á skulda­bréfin sem það þarf að gefa út og láns­fjár­magn þess þar af leið­andi ódýr­ara.