Seðlabankinn í sérflokki þegar kemur að brotum á jafnréttislögum

Alls hafa opinberar stofnanir eða stjórnsýslueiningar brotið 25 sinnum gegn jafnréttislögum frá því að þau tóku gildi árið 2008. Seðlabanki Íslands er sú stofnun sem hefur langoftast brotið gegn lögunum.

Seðlabanki Íslands
Auglýsing

Seðla­banki Íslands er sú stofnun sem oft­ast hefur oft­ast brotið gegn jafn­rétt­islögum frá árinu 2009, eða fjórum sinn­um. Fyrsta brotið var árið 2012, bank­inn gerð­ist tví­vegis brot­legur við lögin á árinu 2015 og loks gerð­ist hann brot­legur við þau í fyrra, þegar hann réð minna hæfan karl í nýja stöðu upp­lýs­inga­full­trúa fram yfir hæf­ari kon­u. Það brot vakti mikla athygli og Seðla­bank­inn ákvaða að una nið­ur­stöðu kæru­nefndar jafn­rétt­is­mála. Í kjöl­farið sagði hann, í svari við fyr­ir­spurn Kjarn­ans, að verk­ferl­ar í þessum efnum hafa verið styrkt­ir.

Engin önnur stofnun eða stjórn­sýslu­ein­ing hefur brotið nærri því jafn oft gegn lög­unum og hann.

Í svari Katrínar Jak­obs­dóttur for­sæt­is­ráð­herra við fyr­ir­spurn Hönnu Katrínar Frið­riks­son, þing­manns Við­reisn­ar, um hvaða stofn­anir hafi gerst brot­legar við jafn­rétt­islög frá því að þau tóku gildi árið 2008 kemur fram að alls hafi stofn­anir eða fyr­ir­tæki á vegum hins opin­bera sem hafa ekki einka­rétt­ar­lega stöðu brotið gegn lög­unum 25 sinn­um.

Fyrsta brotið átti sér stað innan Nýja Kaup­þings banka á árinu 2009, þegar hann heyrði enn undir fjár­mála- og efna­hags­ráð­herra og var að öllu leyti í rík­i­s­eigu. Þá kærði kona sem starfað hafði hjá fyr­ir­renn­ara bank­ans þann nýja fyrir að hafa boðið þremur körlum áfram­hald­andi starf í nýja bank­anum en ekki henni, þrátt fyrir að hún teldi sig hæf­ari en þeir all­ir. Konan vann mál­ið.

Auglýsing
Auk Seðla­bank­ans hafa nokkrar stjórn­sýslu­ein­ingar gerst brot­legar oftar en einu sinni. Akur­eyr­ar­bær hefur tví­vegis brotið gegn lög­un­um, á árunum 2011 og 2014, og Inn­an­rík­is­ráðu­neytið líka, árin 2012 og 2015. Þá hefur Land­spít­al­inn einnig brotið gegn lög­unum tvisvar, á árunmu 2012 og 2015.

Síð­asta brot gegn lög­unum sem leiddi til end­an­legrar nið­ur­stöðu var þegar að ríkið komst að sam­komu­lagi um 20 millj­­óna króna bóta­greiðslu til Ólínu Þor­varð­ar­dótt­­ur, fyrr­ver­andi þing­­manns Sam­fylk­ing­ar­inn­ar, í byrjun árs 2020. Kær­u­­nefnd jafn­­rétt­is­­mála hafði kom­ist að þeirri nið­ur­­­stöðu að jafn­­rétt­is­lög hefðu verið brot­in þegar gengið var fram­hjá henni við skip­an þjóða­garðsvarðar árið 2018. 

Fyrir viku var greint frá því að kæru­nefnd jafn­rétt­is­mála væri með tvær kærur til með­ferðar vegna ráðn­ingar í starf útvarps­stjóra. Stefán Eiríks­son var ráð­inn í starfið og tók við því 1. mars síð­ast­lið­inn. Ekki hefur verið greint opin­ber­lega frá því hvaða konur það eru sem kærðu ráðn­ing­ar­ferl­ið.

Hægt er að sjá lista yfir þær 19 stofn­anir eða stjórn­sýslu­ein­ingar sem hafa gerst brot­leg við jafn­rétt­islög á gild­is­tíma þeirra hér að neð­an.

     1.      Nýi Kaup­þing banki hf. – fjár­mála- og efna­hags­ráð­herra (2009).

     2.      For­sæt­is­ráðu­neytið – for­sæt­is­ráð­herra (2010).

     3.      Skjól­skógar á Vest­fjörðum – umhverf­is- og auð­linda­ráð­herra (2011).

     4.      Akur­eyr­ar­bær – sam­göngu- og sveit­ar­stjórn­ar­ráð­herra (2011, 2014).

     5.      Inn­an­rík­is­ráðu­neytið – dóms­mála­ráð­herra (2012, 2015).

     6.      Heilsu­gæsla höf­uð­borg­ar­svæð­is­ins – heil­brigð­is­ráð­herra (2012).

     7.      Seðla­banki Íslands – for­sæt­is­ráð­herra (2012, 2015, 2015, 2019).

     8.      Rík­is­út­varpið – mennta- og menn­ing­ar­mála­ráð­herra (2013).

     9.      Land­spít­al­inn – heil­brigð­is­ráð­herra (2013, 2018).

     10.      Kópa­vogs­bær – sam­göngu- og sveit­ar­stjórn­ar­ráð­herra (2014).

     11.      Rík­is­lög­reglu­stjóri – dóms­mála­ráð­herra (2014).

     12.      Sýslu­mað­ur­inn í Borg­ar­nesi – dóms­mála­ráð­herra (2014).

     13.      Heil­brigð­is­stofnun Suð­ur­nesja – heil­brigð­is­ráð­herra (2015).

     14.      Biskup Íslands – dóms­mála­ráð­herra (2015).

     15.      Þjóð­skjala­safn Íslands – mennta- og menn­ing­ar­mála­ráð­herra (2016).

     16.      Sýslu­mað­ur­inn á höf­uð­borg­ar­svæð­inu – dóms­mála­ráð­herra (2016).

     17.      Fjár­mála- og efna­hags­ráðu­neytið – fjár­mála- og efna­hags­ráð­herra (2017).

     18.      Reykja­vík­ur­borg – sam­göngu- og sveit­ar­stjórn­ar­ráðu­neytið (2018).

     19.      Þing­valla­nefnd – umhverf­is- og auð­linda­ráð­herra (2018).

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Dagur B. Eggertsson, borgarstjóri.
Höfuðborgarsvæðið á viðkvæmum tíma í faraldrinum
Íþróttakennsla í skólum á höfuðborgarsvæðinu verður utandyra og verða íþróttahús, sundlaugar og söfn lokuð. Ákvörðunin verður endurskoðuð að viku liðinni.
Kjarninn 20. október 2020
Jóhannes Þór Skúlason er framkvæmdastjóri Samtaka ferðaþjónustunnar og skrifar undir umsögn þeirra.
Segja forsendur fjárlaga að óbreyttu þegar brostnar vegna landamæraskimunar
Hagsmunasamtök aðila í ferðaþjónustu segja að ef núverandi reglur um tvöfalda skimun á landamærum verði áfram í gildi muni fjöldi erlendra ferðamanna sem heimsæki Ísland árið 2021 aldrei ná að verða 900 þúsund, líkt og forsendur fjárlaga geri ráð fyrir.
Kjarninn 20. október 2020
Sighvatur Björgvinsson
Stjórnarskrárgjafinn – og þú sjálfur
Kjarninn 20. október 2020
Spáir 8,5 prósenta samdrætti í ár
Landsbankinn spáir meiri samdrætti í ár heldur en Seðlabankinn og Hagstofan en býst þó við að viðspyrnan verði meiri á næstu árum.
Kjarninn 20. október 2020
Nichole Leigh Mosty
Hvað er COVID skömm og er það til á Íslandi?
Leslistinn 20. október 2020
Forseti Kína, Xi Jinping.
Hvers vegna gengur svona vel í Kína?
Nýjustu efnahagstölur sýna fram á mikinn hagvöxt í Kína og búist er við að hann muni aukast á næstunni. Hvernig má það vera að svona vel gangi í upprunalandi kórónuveirunnar á meðan flest önnur ríki heimsins eru í djúpri kreppu vegna hennar?
Kjarninn 19. október 2020
Karna Sigurðardóttir
BRAS – ÞORA! VERA! GERA!
Kjarninn 19. október 2020
Rósa Bjarnadóttir
#HvarerOAstefnan?
Kjarninn 19. október 2020
Meira úr sama flokkiInnlent