VR hefur ákveðið að hefja form­legar við­ræður við SA um leiðir til að verja kjara­samn­ing þeirra, kaup­mátt og störf. Þetta kemur fram í stöðu­upp­færslu á Face­book-­síðu Ragn­ars Þórs Ing­ólfs­son­ar, for­manns VR, í dag.

„Þar sem ástandið á vinnu­mark­aði versnar dag frá degi, og lík­legt að mán­aða­mótin verði þau svört­ustu í sögu hreyf­ing­ar­inn­ar, höfum við ákveðið að hefja form­legar við­ræður við SA um leiðir til að verja kjara­samn­ing­inn okk­ar, kaup­mátt­inn og störf­in,“ skrifar hann.

Mark­miðið er sam­kvæmt Ragn­ari Þór að finna leiðir til að verja „stöðu okkar fólks og fá stjórn­völd að borð­inu lík­a“.

Dap­ur­legt að aðgerða­pakk­arnir séu ákveðnir af fámennum hóp

„Við getum ekki horft upp á þá skelfi­legu stöðu sem uppi er á íslenskum vinnu­mark­aði án þess að taka þetta skref og ræða þrí­hliða lausnir,“ skrifar hann.

Ragnar Þór segir það vera dap­ur­legt að aðgerða­pakkar rík­is­ins skuli vera ákveðnir af fámennum hóp í stað víð­tækara sam­ráðs aðila vinnu­mark­að­ar­ins og stjórn­ar­and­stöð­unn­ar. Sér­stak­lega í ljósi þess hversu alvar­leg staðan sé og þá stað­reynd að allar ákvarð­anir og skuld­bind­ingar hafi mikil áhrif á lífs­kjör almenn­ings og kom­andi kyn­slóð­ir.

Hann greinir frá því að með VR í þess­ari veg­ferð séu Fram­sýn stétt­ar­fé­lag og Verka­lýðs­fé­lag Akra­ness en þessi félög ásamt Lands­sam­bandi versl­un­ar­manna fara með umboð um 47 þús­und félags­manna.

Von er á því sam­kvæmt for­mann­inum að fleiri félög bæt­ist í hóp­inn.