Píratar saka ríkisstjórnina um „mótsagnakennt stefnuleysi“

Þingflokkur Pírata hefur sent frá sér yfirlýsingu þar sem viðbrögð ríkisstjórnarinnar við efnahagslegum afleiðingum heimsfaraldursins eru harðlega gagnrýnd og sögð jafngilda viðbragðsleysi.

Halldóra Mogensen, þingflokksformaður Pírata.
Halldóra Mogensen, þingflokksformaður Pírata.
Auglýsing

„Við­brögð rík­is­stjórn­ar­innar við heims­far­aldri kór­ónu­veiru ein­kenn­ast af mót­sagna­kenndu stefnu­leysi og skorti á fram­sýn­i,“ ­segir þing­flokkur Pírata í yfir­lýs­ingu, sem send var á fjöl­miðla síð­deg­is. Þing­flokk­ur­inn seg­ist aug­lýsa eftir „póli­tísku hug­rekki rík­is­stjórn­ar­inn­ar“ og er afar gagn­rýn­inn á bæði þær aðgerðir sem kynntar voru í dag og sam­ráðs­leysi rík­is­stjórn­ar­innar við minni­hlut­ann á þingi og „aðra mik­il­væga full­trúa almenn­ings.“

„Hag­kerfi heims­ins hefur stöðvast og alger óvissa ríkir um hvenær það fer í gang aftur og hvað þarf til, svo að það ger­ist. Við­búið er að gjör­breytt heims­mynd og gjör­breytt hag­kerfi taki við þegar heilsu­far­sógnin hverfur á braut. Við­brögð stjórn­valda verða því að vera fram­sæk­in, frum­leg og stór­tæk­ari en nokkru sinni fyrr. Slík við­brögð verða ekki til í tóma­rúmi eða ein­angrun ─ og lítið mun gef­ast með því að hunsa fjöl­breytt hug­vitið í sam­fé­lag­in­u,“ segja Píratar og bæta við að í árferði sem þessu sé óásætt­an­legt að rík­is­stjórn Íslands leggi á ráðin í lok­uðum her­bergjum án sam­ráðs.

„Aug­ljóst er að hug­myndir og við­brögð sem samið er um í litlum eins­leitum hópi ráða­manna skortir fjöl­breytni, gagn­rýna hugsun og breiða skírskot­un,“ segja Pírat­ar.

Auglýsing

Segja for­sendur ákvarð­ana­töku skorta

Þing­flokkur Píratar segir að hvorki almenn­ingur né stjórn­ar­and­staðan hafi nokkurn aðgang að þeim upp­lýs­ingum og gögnum sem rík­is­stjórnin byggir við­brögð sín á. 

„Sviðs­mynda­grein­ingar liggja ekki fyr­ir, for­sendur rík­is­stjórn­ar­innar liggja ekki fyrir og póli­tísk fram­tíð­ar­sýn rík­is­stjórn­ar­innar er full­kom­lega óljós. Gagn­sæið er ekk­ert,“ segir í yfir­lýs­ingu þing­flokks­ins.

Þing­flokk­ur­inn segir rík­is­stjórn­ina hafa „sögu­legt tæki­færi til þess að koma á sjálf­bær­ari, lýð­ræð­isvædd­ari og ábyrg­ari vinnu­mark­aði“ og til þess að „stuðla að því að næsta upp­sveifla verði byggð á sjálf­bærni og nátt­úru­vernd,“ en láti þessi tæki­færi „því mið­ur­“ renna sér úr greip­um.

„Rík­is­stjórnin hefur engin svör við því, hvernig sam­fé­lag við viljum byggja þegar þessi kreppa er afstað­in. Hún virð­ist stað­ráðin í að reyna að halda lífi í hag­kerfi sem er að veru­legu leyti horf­ið, með aðgerðum sem duga skammt,“ segir í yfir­lýs­ingu þing­flokks Pírata, en þar er einnig miklum von­brigðum lýst yfir með þær aðgerðir sem rík­is­stjórnin kynnti í dag.

Gagn­rýna harð­lega að fyr­ir­tækjum sé auð­veldað að segja upp fólki

„Hluta­bóta­leið­in, sem ætlað var að halda ráðn­ing­ar­sam­bandi milli laun­þega og atvinnu­rek­enda sætir nú þeim mót­sagna­kenndu breyt­ingum að auð­velda á fyr­ir­tækjum að slíta ráðn­ing­ar­sam­band­inu með mót­fram­lagi rík­is­ins við greiðslu upp­sagn­ar­frests. Þing­flokkur Pírata gagn­rýnir það harð­lega að til standi að auð­velda fyr­ir­tækjum hóp­upp­sagn­ir,“ segir í yfir­lýs­ing­unni.

Piratar segja að víðs­vegar um heim­inn hafi rík­is­stjórnir sett „sjálf­sögð og eðli­leg skil­yrði“ um sam­fé­lags­lega ábyrgð fyrir rík­is­stuðn­ingi til fyr­ir­tækja.

„En á Íslandi fá stöndug fyr­ir­tæki sem hafa skilað eig­endum sínum millj­örðum í arð und­an­farin ár aðgang að fjár­munum rík­is­ins án telj­andi skuld­bind­inga af þeirra hálfu. Sam­tímis eru þús­undir smærri fyr­ir­tækja skilin eftir með óljósar fram­tíð­ar­horf­ur. Þing­flokkur Pírata leggur áherslu á að fyr­ir­tæki sem geyma fjár­muni í skatta­skjólum fái ekki aðgang að fjár­munum hins opin­bera. Sömu­leiðis væri eðli­legt að skil­yrða alla rík­is­að­stoð, þar á meðal hluta­bóta­leið­ina, við að ekki verði greiddur út arður eða bónusar í til­greindan tíma eftir að fjár­hags­að­stoð rík­is­ins lýk­ur,“ segir þing­flokk­ur­inn.

Aðgerðir rík­is­stjórn­ar­innar hingað til jafn­gildi við­bragðs­leysi 

Píratar segja heim­ilin enn engin svör fá um fram­tíð­ar­hag sinn og öryggi og bæta við að ef það breyt­ist ekki muni eft­ir­spurn eftir vörum og þjón­ustu í land­inu hverfa. 

„Heim­ili lands­ins horfa nú fram á tekju­fall og óvissa fram­tíð en ekk­ert bólar á beinum stuðn­ingi til almenn­ings. Rúm­lega 38.000 voru á atvinnu­leys­is­skrá í mars­mán­uði en ekki stendur til að hækka bæt­ur. Fólkið í land­inu myndar eft­ir­spurn eftir vörum og þjón­ustu og sú eft­ir­spurn mun hverfa verði ekk­ert gert til þess að tryggja fjár­hags­legt öryggi þeirra,“ segir í yfir­lýs­ingu þing­flokks­ins, þar sem borg­ara­laun eru nefnd sem leið til þess að koma til móts við almenn­ing.

„Flest fólk vill vinna, vera hluti af og þjóna sínu sam­fé­lagi. Borg­ara­laun munu ekki koma í veg fyrir það heldur þvert á móti styðja við og styrkja getu fólks til þátt­töku og þar af leið­andi getu hag­kerf­is­ins til að keyra sig aftur í gang,“ segir þing­flokk­ur­inn.

„Sam­kvæmt reikni­lík­ani Við­skipta­ráðs er það góð ráð­stöfun að auka veru­lega opin­berar fjár­fest­ingar á þessu ári; það muni efla hag­vöxt til næstu ára auk þess að minnka höggið nú í ár. P­íratar hafa lagt áherslu á fjár­fest­ingu í fólki, á stór­aukið fé til nýsköp­un­ar, rann­sókna og þró­un­ar, og grænan sam­fé­lags­sátt­mála með jafn­rétti og sjálf­bærni að leið­ar­ljósi til fram­tíð­ar.

Til eru ótal leiðir til að bregð­ast við. En aðgerðir rík­is­stjórn­ar­innar hingað til hafa jafn­gilt við­bragðs­leysi. Þing­flokkur Pírata hvetur rík­is­stjórn­ina til þess að sýna hug­rekki, hugsa stórt og nálg­ast vanda­málið af opnum hug, í sam­ráði við þjóð­ina. Henni ber lýð­ræð­is­leg skylda til þess,“ segir þing­flokkur Pírata.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Fasteignamat íbúðarhúsnæðis lækkar víða miðsvæðis í Reykjavík
Fasteignamat Þjóðskrár á íbúðarhúsnæði lækkar víða miðsvæðis í Reykjavík frá yfirstandandi ári. Mikill munur er á þróun fasteignamatsins á milli hverfa höfuðborgarsvæðisins. Hæsta fermetraverðið á landinu er í Vesturbæ Reykjavíkur og Skerjafirði.
Kjarninn 2. júní 2020
Frá og með 15. júní býðst komufarþegum að fara í sýnatöku í stað sóttkvíar.
Efnahagsleg áhrif af opnun landsins „hjúpuð óvissu“
Efnahagslegar afleiðingar af því að halda landinu áfram lokuðu yrðu „gríðarlegar“. Alls óvíst er hvenær hægt yrði að aflétta ferðatakmörkunum án áhættu á að veiran berist hingað á ný. Boðið verður upp á sýnatöku við landamæri Íslands frá miðjum júní.
Kjarninn 2. júní 2020
Lýður og Ágúst Guðmundssynir.
Athugasemdir frá Lýð og Ágústi Guðmundssonum
Kjarninn 2. júní 2020
Ásmundur Einar Daðason er með húsnæðismálin á sinni könnu sem félagsmálaráðherra.
Áætlað að 4.000 manns búi í atvinnuhúsnæði á höfuðborgarsvæðinu
Samkvæmt nýlegu mati er áætlað að um 4.000 manns búi nú í atvinnu- og iðnaðarhúsnæði á höfuðborgarsvæðinu. Ásmundur Einar Daðason félagsmálaráðherra segist ætla að leggja fram frumvarp sitt um hlutdeildarlán á yfirstandandi þingi.
Kjarninn 2. júní 2020
Guðmundur Guðmundsson
Hlutverk vetnis í orku- og loftslagsmálum framtíðarinnar
Kjarninn 2. júní 2020
Með öllu óvíst er hversu hratt ferðaþjónustan mun geta tekið við sér eftir þetta áfall og stutt við efnahagsbatann.
Vísbendingar um að botninum sé náð
Heimili á Íslandi hafa sótt um að taka 13 milljarða króna út úr séreignarsparnaði og um 6.000 heimili hafa fengið greiðslufrest af lánum. Þá hafa vaxtalækkanir skilað sér í lægri afborgunum af lánum, ekki síst til heimila.
Kjarninn 2. júní 2020
Þórólfur Guðnason sóttvarnalæknir.
Sóttvarnalæknir: Áhættan virðist ekki vera mikil
PCR-mæling hjá einkennalausum einstaklingum er ekki óyggjandi próf til að greina SARS-CoV-2 veiruna, segir sóttvarnalæknir. 0-4 dögum eftir smit geti niðurstaða úr sýnatöku verið neikvæð hjá þeim sem er smitaður.
Kjarninn 2. júní 2020
Komufarþegum býðst að fara í sýnatöku frá og með 15. júní.
Staðfest: Komufarþegum mun standa sýnataka til boða
Bráðabirgðamat bendir til þess að kostnaður við sýnatöku á Keflavíkurflugvelli fyrstu tvær vikurnar frá rýmkun reglna um komu ferðamanna til landsins yrði um 160 milljónir króna ef 500 manns koma til landsins.
Kjarninn 2. júní 2020
Meira úr sama flokkiInnlent