Samn­inga­nefnd Efl­ingar und­ir­rit­aði í gær­kvöldi kjara­samn­ing við Sam­band íslenskra sveit­ar­fé­laga. Verk­fall á þriðja hund­rað félags­manna Efl­ingar sem vinna hjá Kópa­vogs­bæ, Sel­tjarn­­ar­­nes­bæ, Mos­­fells­bæ og Sveit­­ar­­fé­lag­inu Ölf­usi, og hófst fyrir viku, hefur verið aflýst frá og með deg­inum í dag. Verk­fallið hafði áhrif á starf­semi hluta leik­skóla og grunn­skóla í sveit­ar­fé­lög­unum þar sem ræst­ing­ar­fólk gekk ekki til starfa á meðan að því stóð.

Verk­fallið hófst upp­haf­lega 9. mars síð­ast­lið­inn eftir að hafa verið sam­þykkt með 90 pró­sent greiddra atkvæða á meðal félags­manna en var svo frestað 24. mars vegna kór­ónu­veirunn­ar. Kosið var aftur um verk­falls­að­gerðir eftir páska og aftur sam­þykktu 90 pró­sent allra sem greiddu atkvæði aðgerð­irn­ar. Verk­fallið hófst síð­an, líkt og áður sagði, á mánu­dag í síð­ustu viku. 

Í til­kynn­ingu frá Efl­ingu segir að í kjara­samn­ingnum sé  kveðið á um hækkun lægstu launa með sér­stakri auka­greiðslu að fyr­ir­mynd kjara­samn­ings Efl­ingar við Reykja­vík­ur­borg. Efl­ing fagni sigri í lang­vinnri og erf­iðri kjara­bar­áttu við Sam­band íslenskra sveit­ar­fé­laga fyrir hönd félags­manna sem starfa hjá Kópa­vogs­bæ, Sel­tjarn­ar­nes­bæ, Mos­fells­bæ, Sveit­ar­fé­lag­inu Ölf­usi og Hvera­gerð­is­bæ. Kjara­bæt­urnar eru beinn árangur af verk­falls­að­gerð­unum að mati stétt­ar­fé­lags­ins.

Önnur meg­in­at­riði samn­ings­ins eru, sam­kvæmt til­kynn­ing­unni, sam­tals 90 þús­und króna hækkun grunn­launa í grunn­þrepi yfir samn­ings­tím­ann, stytt­ing vinnu­vik­unn­ar, 61 þús­und króna árlegt fram­lag í nýjan félags­manna­sjóð og fleira.

Sól­veig Anna Jóns­dóttir for­maður Efl­ing­ar, segir að í enn eitt skiptið hafi Efl­ing­ar­fólk í 

minnst metnu störfum sam­fé­lags­ins sýnt að jafn­vel „grimm­ustu stofn­anir valds­ins“ eigi ekki roð við þeim þegar þau komi fram bar­átt­uglöð og sam­ein­uð. „Í enn eitt skiptið hafa þau sannað að rétt­lát og stað­föst bar­átta lág­launa­fólks í gegnum sitt stétt­ar­fé­lag er ekki bara réttur okkar heldur skilar hún líka raun­veru­legum árangri. Ég vil líka benda á hversu mik­il­væg skila­boð félags­menn okkar senda inn í sam­fé­lags­á­standið með þessum árangri. Ef ein­hver hélt að kór­óna­veiru­far­ald­ur­inn og efna­hagslægðin sem honum fylgir yrði átylla til að skerða kjör lág­launa­fólks og berja niður í þeim bar­áttu­and­ann, þá hafa félags­menn okkar hjá sveit­ar­fé­lög­unum sýnt að það er ansi stór mis­skiln­ing­ur. Bar­áttan fyrir rétt­látu sam­fé­lagi er lif­andi og hefur aldrei skipt meira máli en einmitt nún­a.“