Pen­inga­stefnu­nefnd Seðla­banka Íslands hefur ákveðið að lækka meg­in­vexti bank­ans um 0,75 pró­sentu­stig, niður í eitt pró­sent. Vextir hafa verið lækk­­aðir þrí­vegis frá því að yfir­stand­andi efna­hags­á­stand vegna COVID-19 far­ald­urs­ins hófst og alls hafa stýri­vextir lækkað um 3,75 pró­­­­­sent­u­­­­­stig frá því í maí í fyrra. Þeir hafa aldrei verið lægri í Íslands­sög­unni.

Í til­kynn­ingu hennar kemur einnig fram að á­kveðið hefur verið að hætta að bjóða upp 30 daga bundin inn­lán. „Felur það í sér að meg­in­vextir bank­ans verða virk­ari og vaxta­skila­boð bank­ans skýr­ari. Aðgerðin ætti að öðru óbreyttu að auka laust fé í umferð og styrkja miðlun pen­inga­stefn­unnar enn frek­ar.“

Samkvæmt nýrri þjóð­hags­spá Seðla­bank­ans sem birt er í maí­hefti Pen­inga­mála, sem kemur út í dag, kemur fram að bank­inn spáir átta pró­sent sam­drætti lands­fram­leiðslu í ár. Þar vegi þyngst yfir 80 pró­sent fækkun í komum ferða­manna til lands­ins. „Út­lit er fyrir að atvinnu­leysi auk­ist mikið og fari í um 12 pró­sent á þriðja fjórð­ungi árs­ins en verði tæp­lega 9 pró­sent á árinu öllu. Sam­kvæmt spá bank­ans taka efna­hags­um­svif smám saman að fær­ast í eðli­legt horf á seinni hluta þessa árs og spáð er tæp­lega 5 pró­sent hag­vexti á næsta ári. Óvissan er hins vegar óvenju mikil og þróun efna­hags­mála mun ráð­ast af fram­vindu far­sótt­ar­innar og því hvernig tekst til við að vinda ofan af sótt­varn­ar­að­gerð­u­m.“

Verð­bólga mæld­ist 2,2 pró­sent í apr­íl. Hún hefur sam­fellt verið undir 2,5 pró­sent verð­bólgu­mark­miði Seðla­bank­ans frá því í des­em­ber 2019.  Í til­kynn­ingu pen­inga­stefnu­nefndar er bent á að gengi krón­unnar hafi lækkað frá því að far­sóttin barst til lands­ins en á móti vegi mikil lækkun olíu­verðs og lækkun mat­væla- og hrá­vöru­verðs. „Þá hafa verð­bólgu­vænt­ingar lítið breyst og kjöl­festa þeirra í verð­bólgu­mark­miði bank­ans virð­ist traust. Sam­kvæmt spá Seðla­bank­ans eykst verð­bólga lít­il­lega á næstu mán­uðum vegna áhrifa geng­is­lækk­unar krón­unn­ar. Auk­inn slaki í þjóð­ar­bú­inu mun hins vegar vega þyngra þegar líða tekur á þetta ár og horfur eru á að verð­bólga verði undir 2% á seinni hluta spá­tím­ans.“