Ingibjörg og Jón Ásgeir vilja milljarða í bætur vegna skaða á orðspori sínu

Eigendur 365, sem seldu ljósvakamiðla félagsins til Sýnar á um átta milljarða árið 2017, segja að stefna Sýnar á hendur sér hafi „skapað þau „hughrif að stefnendur séu aðilar sem standi ekki við gerða samninga.“ Þau vilja þrjá milljarða króna í bætur.

Jón Ásgeir Jóhannesson
Jón Ásgeir Jóhannesson
Auglýsing

Hjónin Ingi­björg Pálma­dóttir og Jón Ásgeir Jóhann­es­son telja að mál­sókn fjar­skipta- og fjöl­miðla­fyr­ir­tæk­is­ins Sýnar á hendur sér, þar sem þau eru krafin um háa greiðslu vegna brots á kaup­samn­ingi sem gerður var árið 2017, hafi skaðað þau „hug­hrif að stefn­endur séu aðilar sem standi ekki við gerða samn­inga og skuldi háar fjár­hæðir þegar fyrir liggur að orð­spor er þeim einkar mik­il­vægt í við­skiptum frá degi til dags.“ 

Þau segja að mála­til­bún­að­ur­inn hafi valdið þeim miklum óþæg­ind­um, meðal ann­ars í sam­skiptum við fjár­mála­stofn­an­ir, og við­búið sé að svo verði áfram eftir því sem málið komst í kast­ljós fjöl­miðla. Ábata­söm við­skipti þeirra á erlendum vett­vangi séu nú þegar í upp­námi vegna mál­sókn­ar­inn­ar. 

Enn fremur telja þau að að mark­mið Sýnar með því að stefna sér sé að „breiða yfir afleitan rekstur Sýnar frá því að félagið tók við eignum 365 á ljós­vaka- og fjar­skipta­mark­að­i.“

Þetta kemur fram í stefnu þeirra á hendur Sýn, Heið­ari Guð­jóns­syni for­stjóra félags­ins og stjórn­ar­mönnum Sýnar sem Mark­að­ur­inn, fylgi­rit Frétta­blaðs­ins um efna­hags­mál og við­skipti, fjallar um í dag. 

Alls krefja þau Ingi­björg og Jón Ásgeir, og félag þeirra 365 ehf., ofan­greinda aðila um þrjá millj­arða króna í bætur vegna mál­sókn­ar­inn­ar.

Kveðið á um sam­keppn­is­bann

For­saga máls­ins er sú að Sýn keypti hluta af fjöl­miðla­veldi 365 á árinu 2017 fyrir alls 7,9 millj­arða króna. Um var að ræða alla ljós­vaka­miðlar félags­­ins og frétta­vef­inn Vísi.­is. Eftir í 365 stóð Frétta­­blaðið og tengdir miðlar sem voru svo seldir til nýrra eig­enda í fyrra og eru nú reknir í félag­inu Torgi ehf.

Auglýsing
Í kaup­samn­ingi var kveðið á um að Ingi­björg og Jón Ásgeir mættu ekki fara í sam­keppni við þá miðla sem Sýn hefði keypt í til­tek­inn tíma. 

Rekstur fjöl­miðla Sýnar hafa ekki gengið vel frá því að kaupin áttu sér stað. Í byrjun árs lækk­aði félagið til að mynda við­skipta­vild vegna fjöl­miðl­anna sem keyptir voru um 2,5 millj­arða króna. 

Tekjur Sýnar af fjöl­miðla­rekstri dróg­ust saman um 446 millj­ónir króna milli áranna 2018 og 2019 og á fyrsta árs­fjórð­ungi yfir­stand­andi árs dróg­ust tekjur félags­­ins vegna fjöl­miðla­hluta rekst­­ur­s­ins saman um 229 millj­­ónir króna frá sama árs­fjórð­ungi í fyrra. 

Stefnt út af hlað­varpi og Hring­braut

Sýn ákvað að stefna hjón­unum og 365 vegna þess að stjórn­­endur Sýnar telja að teng­ing vef­mið­ils­ins fretta­bla­did.is við ljós­vaka­miðla, bæði útvarp og sjón­­varp, sé með öllu óheimil sam­­kvæmt kaup­­samn­ingnum frá árinu 2017. Mið­ill­inn haldi úti hlað­varpi, vísi á vef sjón­­varps­­stöðv­­­ar­innar Hring­brautar (líka í eigu Torgs) af for­­síðu sinni og sýni ýmis konar mynd­­bönd, sem telj­ist ljós­vaka­efn­i. Vegna þessa hefur Sýn farið fram á að hinir stefndu greiði sér fimm millj­ónir króna fyrir hvern dag sem lið­inn er frá samn­ings­broti. Í lok fyrsta árs­fjórð­ungs stóð sú tala í 1,7 millj­arði króna. Í dag er hún nær tveimur millj­örðum króna.

Í gagn­stefnu Ingi­bjargar og Jóns Ásgeirs, sem Mark­að­ur­inn fjallar um í dag, er þessu með öllu hafn­að. Fyrir því eru tvö meg­in­rök. Í fyrsta lagið seldi 365 eft­ir­stand­andi miðla sína, sem að uppi­stöðu var Frétta­blaðið og vefur þess, til Helga Magn­ús­sonar fjár­festis og sam­starfs­manna hans í fyrra í tveimur skref­um. Þegar það síð­ara var stig­ið, í októ­ber, var sjón­varps­stöð­inni Hring­braut og tengdri síðu rennt inn í Torg, útgáfu­fé­lag Frétta­blaðs­ins. Þá þegar hafði Frétta­blaðið hafið fram­leiðslu og birt­ingu á hlað­varpi á fretta­bla­did.­is. 

Hjónin hafna því að umrædd hlað­varps­gerð sé sam­keppni við þá ljós­vaka­miðla sem seldir hafi verið til Sýn­ar. Auk þess segj­ast þau ekki bera ábyrgð á sjón­varps­rekstri Hring­braut­ar, enda hafi þau verið búin að selja fjöl­miðl­anna þegar honum var rent inn í útgáfu­fé­lag Frétta­blaðs­ins. Það hafi ekki verið staf krókur um það í kaup­samn­ingnum að þau hafi verið skuld­bundin til þess að sjá til þess að óskyldur þriðji aðili yrði bund­inn af sam­keppn­is­bann­inu.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Lífeyrissjóður verzlunarmanna hefur aðsetur í Húsi verslunarinnar
Tæp tíu prósent útistandandi sjóðfélagalána LIVE í greiðsluhléi
Sjóðfélagalán í greiðsluhléi nema samtals um ellefu milljörðum króna. Til samanburðar námu útistandandi sjóðfélagalán Lífeyrissjóðs verzlunarmanna við lok árs 2019 rúmum 120 milljörðum. Ávöxtun sjóðsins á fyrstu fjórum mánuðum ársins áætluð 3,5 prósent.
Kjarninn 3. júní 2020
Tæknivarpið
Tæknivarpið
Tæknivarpið – Twitter tekur á rugli og Síminn sektaður
Kjarninn 3. júní 2020
Ástþór Ólafsson
Árið 1970 og upp úr
Kjarninn 3. júní 2020
Bjarni Benediktsson formaður Sjálfstæðisflokksins.
Sjálfstæðisflokkurinn áfram nærri kjörfylgi í nýrri könnun Gallup
Afar litlar breytingar urðu á fylgi flokka á milli mánaða, samkvæmt nýjum þjóðarpúlsi Gallup. Sjálfstæðisflokkurinn er áfram nærri kjörfylgi sínu og stuðningur við ríkisstjórnina mælist tæp 60 prósent á meðal þeirra sem taka afstöðu.
Kjarninn 3. júní 2020
Sex sakborningar í málinu, þeirra á meðal Bernhard Esau og Sacky Shanghala fyrrverandi ráðherrar í ríkisstjórn Namibíu, verða í gæsluvarðhaldi til 28. ágúst.
Namibísk yfirvöld hafa óskað liðsinnis Interpol vegna Samherjamálsins
Sex menn sem hafa verið í haldi namibískra yfirvalda vegna rannsóknar á Samherjaskjölunum verða áfram í haldi til 28. ágúst. Rannsókn málsins hefur reynst flókin og haf namibísk yfirvöld beðið Interpol um aðstoð.
Kjarninn 3. júní 2020
Fólk hefur flykkst á markaði víðsvegar um Indland eftir að útgöngubanni var aflétt.
Smitum á Indlandi fjölgar ört
Stjórnvöld á Indlandi eru að hefjast handa við að aflétta umfangsmesta útgöngubanni sem sett var á í kjölfar kórónuveirufaraldursins. Sjúkrahús í Mumbai hafa vart undan við að sinna sýktum en fellibylurinn Nisarga herjar nú á nágrenni borgarinnar.
Kjarninn 3. júní 2020
Samtök ferðaþjónustunnar telja að um 250 þúsund ferðamenn gætu komið hingað til lands það sem eftir lifir árs.
Ferðamenn greiði kostnað af skimun
Með greiðslu ferðamanna fyrir sýnatöku má stuðla að því að þeir sem sækja landið heim séu efnameiri ferðamenn sem eyði meiru og dvelji lengur, segir í greinargerð fjármálaráðuneytisins um hagræn áhrif þess að aflétta ferðatakmörkunum til Íslands.
Kjarninn 3. júní 2020
Ekkert pláss fyrir íhald í stjórnmálum næstu árin
Alvarlegt ástand er nú komið upp í íslensku efnahagslífi. Mörg hundruð milljarða króna tap í ríkisrekstri er fyrirsjáanlegt, tugir þúsunda verða án atvinnu að öllu leyti eða hluta og þúsundir fyrirtækja standa frammi fyrir algjörri óvissu.
Kjarninn 3. júní 2020
Meira úr sama flokkiInnlent