Verð­bólga mælist nú yfir verð­bólgu­mark­miði Seðla­banka Íslands í fyrsta sinn síðan í nóv­em­ber síð­ast­liðn­um. Vísi­tala neyslu­verðs hækk­aði um 0,54 pró­sent í maí og mælist verð­bólga nú 2,6 pró­sent. Hún hækkar því um 0,4 pró­sentu­stig milli mán­aða. Verð­bólgu­mark­mið Seðla­bank­ans er 2,5 pró­sent.

Í frétta­til­kynn­ingu frá Hag­stofu Íslands segir að verð á mat og drykkj­ar­vörum hafi hækkað um 1,6 pró­sent, hús­gögn og heim­il­is­bún­aður hækkað um 2,9 pró­sent og verð á nýjum bílum hafi hækkað um 3,7 pró­sent. Lækkun var á reikn­aðri húsa­leigu um 0,6 pró­sent og verð á bens­íni og olíum lækk­aði um 3,4 pró­sent. 

Krónan hefur veikst tals­vert gagn­vart helstu gjald­miðlum frá ára­mótum og í grein­ingu Íslands­banka segir að áhrif veik­ing­ar­innar hafi komið fram í verð­mæl­ingum á inn­fluttum vörum í apríl og maí.

Í nýlegum pen­inga­málum Seðla­banka Íslands kemur fram að verð­bólgu­vænt­ingar mark­aðs­að­ila hafi ekki hækkað og hald­ast undir mark­miði. Bank­inn spáir því að verð­bólga verði undir mark­miði á næst­unni og að hún hjaðni í um 1,5 pró­sent um mitt næsta ár en tak­ist svo við að þok­ast upp á við í átt að mark­miði. Þar er þó tekið fram að óvissa sé mik­il.

Fram kemur í frétta­til­kynn­ingu Hag­stof­unnar að mæl­ing og útreikn­ingur á vísi­tölu neyslu­verðs í maí hafi gengið vel fyrir sig. Þar skipta mestu mál aflétt­ingar á tak­mörk­unum sem gripið var til í því skyni að hefta útbreiðslu COVID-19. Fyr­ir­tæki sem höfðu þurft að loka væru nú opin.

Verð­bólgan fór yfir verð­bólgu­mark­mið Seðla­bank­ans í júní 2018 og hélst yfir mark­miði fram í nóv­em­ber 2019. Á þeim tíma reis hún hæst í 3,7 pró­sent í des­em­ber 2018. Fyrir sum­arið 2018 hafði verð­bólgan verið undir verð­bólgu­mark­miði frá því í febr­úar 2014.