Spurði af hverju valdasamstarf með Sjálfstæðisflokknum væri eftirsóknarvert

Þingmaður Pírata spurði forsætisráðherrann á þinginu í dag af hverju það væri eftirsóknarvert að fara í valdasamstarf með Sjálfstæðisflokknum. Hún sagðist leggja mikið upp úr því að vera í stjórnmálum til að ná árangri í mikilvægum samfélagsmálum.

Björn Leví Gunnarsson, þingmaður Pírata, og Katrín Jakobsdóttir, forsætisráðherra.
Björn Leví Gunnarsson, þingmaður Pírata, og Katrín Jakobsdóttir, forsætisráðherra.
Auglýsing

„Enn og aftur getur ríkið ekki samið við hjúkr­un­ar­fræð­inga, aftur á að fara í gerð­ar­dóm. Fyr­ir­sjá­an­legt. Engir samn­ingar við lög­reglu­menn svo mikið sem í aug­sýn. Fyr­ir­sjá­an­legt. Þing­menn fá hækk­un. Fyr­ir­sjá­an­legt. Ný stjórn­ar­skrá pikk­föst í skúffu. Fyr­ir­sjá­an­legt. Póli­tísk afskipti af ráðn­ing­um. Fyr­ir­sjá­an­leg­t.“

Þannig hófst fyr­ir­spurn Björns Levís Gunn­ars­son­ar, þing­manns Pírata, til Katrínar Jak­obs­dóttur for­sæt­is­ráð­herra í óund­ir­búnum fyr­ir­spurna­tíma á Alþingi í dag.

Vís­aði Björn Leví í leið­ara í Stund­inni þar sem farið er yfir ýmis spill­ing­ar­mál und­an­far­innar ára. „Á þeim lista er meðal ann­ars Sam­herj­a­mál­ið, borg­ar­full­trú­inn og pen­inga­þvætt­ið, Klaust­ur­málið og sendi­herrakap­all­inn, Lands­rétt­ar­mál­ið, Glitn­is­skjölin og hags­muna­á­rekst­ur­inn, Lög­banns­mál­ið, akst­urs­greiðsl­urnar og dag­pen­ing­arn­ir, Panama­skjölin og ráð­herrar í skatta­skjól­um, Orka Energy og samn­ingar í Kína, hæfn­is­nefndin og Baldur Guð­laugs­son, Lands­bank­inn og Borgun og Leka­mál­ið.

Þetta er ekki tæm­andi upp­taln­ing á spill­ing­ar­málum und­an­far­inna ára. Ef eitt­hvað var fyr­ir­sjá­an­legt við rík­is­stjórn­ar­sam­starf við Sjálf­stæð­is­flokk­inn þá eru það spill­ing­ar­mál. Alveg eins og það er fyr­ir­sjá­an­legt að samn­ings­vilji við starfs­stéttir hins opin­bera er lít­ill sem eng­inn.“

Auglýsing

Björn Leví spurði Katrínu hvort hægt væri að búast við öðru en því sem hefði verið fyr­ir­sjá­an­legt í rík­is­stjórn­ar­sam­starfi með Sjálf­stæð­is­flokkn­um. „Af hverju er svona eft­ir­sókn­ar­vert að fara í valda­sam­starf með Sjálf­stæð­is­flokkn­um?“ spurði hann.

„Ég horfi bara á þann árangur sem næst í rík­is­stjórn­ar­sam­starfi“

Katrín svar­aði og mót­mælti því að engir kjara­samn­ingar næð­ust í tíð þess­arar rík­is­stjórn­ar. „Ég verð að byrja á því að leið­rétta hátt­virtan þing­mann. Það er búið að semja við um það bil 80 pró­sent rík­is­starfs­manna. Það er búið að ná fram mjög mik­il­vægum breyt­ingum sem meðal ann­ars var skrifað undir í gær­kvöldi af hálfu hjúkr­un­ar­fræð­inga sem snýst um að ger­breyta vakta­vinnu­fyr­ir­komu­lagi rík­is­ins sem varðar einmitt þær kvenna­stéttir sem þar starfa. Stærsta breyt­ingin sem hefur orðið á kjörum þess­ara hópa í ára­tugi. Var það fyr­ir­sjá­an­legt? Alveg örugg­lega ekki af hálfu hátt­virts þing­manns. Er það gott? Já, það er frá­bært. Og það mun breyta kjörum þeirra sem starfa á vöktum hjá hinu opin­bera og það er gott – og það er gott fyrir kvenna­stétt­ir,“ sagði hún.

Katrín fjall­aði jafn­framt um launa­mál þing­manna í svari sínu. „Já, rifjum það upp. Bíddu, það var þessi rík­is­stjórn sem lagði niður kjara­ráð. Það var nú eitt af því sem flokkur hátt­virts þing­manns var ein­hvern tím­ann á að þyrfti að ger­ast og að það væri mik­il­vægt að koma á nýju og gagn­sæju kerfi um launa­mál æðstu stjórn­enda hjá rík­inu. En nú er komin ein­hver önnur plata á. Hún er kannski ekki alveg fyr­ir­sjá­an­leg þegar ég hugsa um mál­flutn­ing hátt­virts þing­manns – fyrri mál­flutn­ing það er að segja.

Það sem við gerðum var að breyta þessu fyr­ir­komu­lagi og einmitt koma á gagn­sæju fyr­ir­komu­lagi í anda þess sem ger­ist ann­ars staðar á Norð­ur­löndum til þess að tryggja það að umdeildir úrskurðir kjara­ráðs end­ur­taki sig ekki. Að vísu höfum við frestað þeirri hækkun sem átti að vera 1. júlí en var það fyr­ir­sjá­an­legt? Ég veit það ekki. Ég veit ekki hvað hátt­virtum þing­manni finnst fyr­ir­sjá­an­legt. Var það fyr­ir­sjá­an­legt að við værum í þessu rík­is­stjórn­ar­sam­starfi? Nei, það held ég ekki.“

Hún benti á að þetta væri í fyrsta sinn sem hún væri í rík­is­stjórn­ar­sam­starfi með Sjálf­stæð­is­flokkn­um. „Ég horfi bara á þann árangur sem næst í rík­is­stjórn­ar­sam­starfi. Tel ég okkur hafa náð árangri? Ég hef nefnt tvö dæmi hér. Ég er nokkuð viss um að hátt­virtur þing­maður hefði séð hvor­ugt þeirra fyr­ir.“

Spurði sömu spurn­ing­ar­innar aftur

Björn Leví kom í pontu í annað sinn og sagði að spurn­ing­unni hefði ekki verið svar­að. „Ég spyr hana aft­ur: Af hverju er svona eft­ir­sókn­ar­vert að fara í valda­sam­starf með Sjálf­stæð­is­flokkn­um?“

Katrín svar­aði og sagði að það að fara í rík­is­stjórn – sama með hverjum – sner­ist um það að ná árangri í þeim málum sem stjórn­mála­menn vildu fara í. „Ég legg mikið upp úr því að vera í stjórn­málum til að ná árangri í mik­il­vægum málum fyrir sam­fé­lagið og ég mæli minn árangur út frá því – hvaða árangur erum við að ná fyrir sam­fé­lag­ið.“

Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Borgarstjóri: Getum ekki beðið – breyta verður lögum og tryggja öryggi leigjenda
„Eldsvoðinn á Bræðraborgarstíg hafði mjög mikil áhrif á mig persónulega og ég fann fyrir mikilli frústrasjón og sorg,“ segir Dagur B. Eggertsson borgarstjóri og stjórnarformaður slökkviliðs höfuðborgarsvæðisins. „Hvernig getur svona gerst?“
Kjarninn 27. nóvember 2020
Halldór Gunnarsson í Holti.
Segir eiginkonur Miðflokksmanna ekki kjósa flokkinn vegna Gunnars Braga Sveinssonar
Flokksráðsfulltrúi í Miðflokknum segir bæði konur og bændur ólíklegri til að kjósa Miðflokkinn ef Gunnar Bragi Sveinsson býður sig áfram fram fyrir flokkinn. Hann gagnrýnir tilgang aukalandsþings sem haldið var um liðna helgi.
Kjarninn 27. nóvember 2020
Ari Trausti Guðmundsson, þingmaður VG.
Ari Trausti ætlar ekki að bjóða sig fram aftur
Eini þingmaður VG í Suðurkjördæmi mun ekki bjóða sig fram aftur í næstu Alþingiskosningum.
Kjarninn 26. nóvember 2020
Bjarni Benediktsson er fjármála- og efnahagsráðherra.
Óskað eftir heimild fyrir ríkissjóð til að taka allt að 360 milljarða króna lán í erlendri mynt
Heildarskuldir ríkissjóðs verða 1.251 milljarðar króna um komandi áramót, eða 431 milljarði króna hærri en lagt var upp með á fjárlögum ársins 2020. Vextir hafa hins vegar lækkað mikið á árinu og vaxtagjöld hafa hlutfallslega hækkað mun minna en skuldir.
Kjarninn 26. nóvember 2020
Saga Japans
Saga Japans
Saga Japans – 27. þáttur: Konungdæmið í norðri
Kjarninn 26. nóvember 2020
Kolbeinn Óttarsson Proppé
Aðgerðir fyrir fólk – staðreyndir skipta máli
Kjarninn 26. nóvember 2020
„Látum Amazon borga“
Starfsmenn Amazon munu á svörtum föstudegi efna til mótmæla og jafnvel verkfalla á starfsstöðvum Amazon víða um heim. Alþýðusamband Íslands er orðið þátttakandi í alþjóðlegri herferð undir yfirskriftinni „Látum Amazon borga“.
Kjarninn 26. nóvember 2020
Togarinn Júlíus Geirmundsson.
Skipstjórnarmenn hjá Samherja segjast „án málsvara og stéttarfélags“
Sautján skipstjórar og stýrimenn hjá Samherja gagnrýna eigið stéttarfélag harðlega fyrir að hafa staðið að lögreglukæru á hendur skipstjóra Júlíusar Geirmundssonar og segja umfjöllun um málið gefa ranga mynd af lífinu til sjós.
Kjarninn 26. nóvember 2020
Meira úr sama flokkiInnlent