Mið­stjórn Alþýðu­sam­bands Íslands segir að stjórn­völd hafi ekki staðið við sinn hluta lífs­kjara­samn­ing­anna, meðal ann­ars varð­andi hús­næð­is­mál, verð­trygg­ingu, man­sal og félags­leg und­ir­boð og sekt­ar­á­kvæði vegna kjara­samn­ings­brota. 

Alþýðu­sam­bandið fer fram á við­ræður við stjórn­völd um samn­ing­ana og þau lof­orð sem þar eru gef­in, sam­kvæmt því sem fram kemur í ályktun mið­stjórn­ar­innar í dag.

Þar segir að for­sendur lífs­kjara­samn­ing­anna séu sam­kvæmt orð­anna hljóðan brostn­ar. Einnig lýsir mið­stjórnin yfir þungum áhyggu­jum af stöðu launa­fólks og atvinnu­leit­enda með haustinu, í ljósi atvinnu­á­stands­ins og segir stuðn­ingi stjórn­valda hafa verið beint til fyr­ir­tækja, fremur en fólks.

„Mik­il­væg­asta aðgerðin til að milda áhrifin fyrir ein­stak­linga og heim­ili, og þannig fyr­ir­ efna­hags­líf­ið, er að hækka atvinnu­leys­is­bætur og lengja tíma­bil tekju­teng­ing­ar. Þá verður að grípa til almennra aðgerða til að verja heim­il­in. Mið­stjórn ASÍ fer fram á að stjórn­völd taki af skarið um úrbætur þegar í stað,“ segir einnig í álykt­un­inni.

Engin efna­hags­leg nauð­syn fyrir nið­ur­skurði

Mið­stjórnin hafnar enn­fremur öllum til­lögum sem lúta að því að „senda reikn­ing­inn“  ­vegna björg­un­ar­að­gerða stjórn­valda vegna kór­ónu­veiru­far­ald­urs­ins til almenn­ings á næstu árum.

„Það er engin efna­hags­leg nauð­syn að skera niður í heil­brigð­is-, mennta- og vel­ferð­ar­kerf­inu, selja opin­berar eig­ur, auka gjald­töku eða ráð­ast í einka­væð­ingu eða einka­rekst­ur. Slíkar aðgerðir eru allar til þess fallnar að dýpka krepp­una og auka á afkomu- og skulda­vanda ein­stak­linga og heim­ila,“ segir mið­stjórn ASÍ.