Segir harðan vetur framundan í boði Sjálfstæðisflokksins

Formaður VR segir fjármálaráðherra þynna út stuðning og græða á neyð. Ríkisstjórnin þurfi að búa sig undir harðan verkalýðsvetur.

Ragnar Þór Ingólfsson, formaður VR.
Ragnar Þór Ingólfsson, formaður VR.
Auglýsing

Ragnar Þór Ing­ólfs­son segir á Face­book-­síðu sinni í dag að rík­is­stjórnin skuli búa sig undir harðan verka­lýðs­vet­ur. Vetur þar sem verka­lýðs­hreyf­ingin muni upp­færa kröfu­gerð­ina í sam­ræmi við allt aðrar for­sendur en hafi verið fyrir gerð lífs­kjara­samn­ing­inn – og að þessi harði vetur verði í boði Sjálf­stæð­is­flokks­ins.

„Og ef að rík­is­stjórnin heldur í eina mín­útu að þau kom­ist í gegnum næstu kosn­ingar með aug­lýs­inga­her­ferðum sem yfir­gnæfa svik­in, eins og venju­lega, þá er það gríð­ar­legt van­mat á þeim breyt­ingum sem orðið hafa innan raða verka­lýðs­hreyf­ing­ar­inn­ar,“ skrifar hann.

Vísar Ragnar Þór þarna í orð Bjarna Bene­dikts­sonar fjár­mála- og efna­hags­ráð­herra en hann sagði í sam­tali við RÚV í gær að allar helstu for­sendur fyrir gerð lífs­kjara­samn­ings væru brostn­ar. Ekki væri áhuga­vert að velta því fyrir sér. Brýnna væri að finna út úr því hvernig unnt væri að bjarga störfum og efla efna­hags­líf­ið. „Við erum öll í ein­hverjum nýjum veru­leika og ég hef í sjálfu sér ekki mik­inn áhuga á spurn­ing­unni: eru for­sendur lífs­kjara­samn­ing­anna breyttar eða brostn­ar. Ég hef miklu meiri áhuga á að ræða: hvernig eigum við að fara af þessum stað,“ sagði Bjarni við RÚV.

Auglýsing

For­sendur samn­ings­ins fallnar á van­efndum rík­is­stjórn­ar­innar

„Af orðum Bjarna má lesa að rík­is­stjórnin telji enga þörf á að efna sinn hluta lífs­kjara­samn­ings­ins vegna þess að staðan sé svo gjör­breytt og for­sendur allt aðrar en lagt var upp með í aðdrag­anda samn­ings­ins,“ skrifar Ragnar Þór.

Hann segir að stað­reyndin sé sú að „for­sendur lífs­kjara­samn­ings­ins eru fallnar á van­efndum rík­is­stjórn­ar­inn­ar. Aðrir þættir í end­ur­skoðun munu að öllum lík­indum halda.“

Þau atriði sem felli samn­ing­inn hlúi einmitt að fjöl­skyldum og fyr­ir­tækjum og kosti skatt­greið­endur að öllum lík­indum ekki krónu en geti sparað mikla fjár­muni og komið í veg fyrir félags­leg og lýð­heilsu­leg áföll sem fyr­ir­sjá­an­leg eru sem afleið­ingar efna­hags­á­falla.

„Ef við tökum hlut­deild­ar­lán­in, þá tókst fjár­mála­ráð­herra að snúa þeirri vinnu á hvolf. Eyði­leggja málið með tekju­teng­ingum og vaxta­á­kvæði. Honum tókst líka að þynna það út þannig að það gagn­ist sem allra fæstum og nota svo vaxta­bóta­kerfið til að fjár­magna hlut­deild­ar­lán­in. Þannig að 3,6 millj­arðar verða teknir af hús­næð­is­stuðn­ingi til að lána fólki til hús­næð­is­kaupa. Lána!! Þannig að rík­is­stuðn­ing­ur­inn breyt­ist í lán (sem er vaxta og afborg­un­ar­laust) en er verð­tryggt með „hús­næð­is­vísi­tölu“ (mark­aðs­verð­i).

Hús­næð­is­verð á höf­uð­borg­ar­svæð­inu hefur hækkað að með­al­tali um 4,4 pró­sent á ári umfram verð­lag síð­ast­liðin 25 ár. Það er ekki til verð­bréfa­sjóður eða líf­eyr­is­sjóður sem hefur náð við­líka ávöxtun þannig að nán­ast engar líkur eru á því að ríkið tapi á hlut­deild­ar­lán­unum (sem er í raun­inni óhag­stæð­asta lána­formið í úrræð­inu) allar líkur eru hins­vegar á að ríkið komi út í bull­andi plús eins og raunin varð í Skotlandi þar sem fyr­ir­myndin er tek­in,“ skrifar hann.

Fjár­mála­ráð­herra „ein­beittur í að þynna út úrræð­ið“

Þá telur Ragnar Þór að með þessum aðferðum rík­is­stjórn­ar­innar sé stuðn­ingur þynntur út og grætt sé á neyð­inni.

„Fjár­mála­ráð­herra er svo ein­beittur í að þynna út úrræðið og eyði­leggja þessa þörfu og góðu vinnu, sem hefði komið fjöl­skyldum og bygg­inga­fyr­ir­tækjum svo vel, að hlut­deild­ar­lánin eiga að bera vexti ef fólk hækkar í laun­um.

Hlut­deild­ar­lánin munu þannig skipa sér sess með óhag­stæð­ustu lána­formum Íslands­sög­unn­ar, fjár­mögnuð með nið­ur­skurði á raun­veru­legum hús­næð­is­stuðn­ingi.

Lág­launa­fólkið sem stendur nægi­lega illa til að kom­ast inn í úrræðið verður svo refsað grimmi­lega með vaxta­á­kvæði sem úti­lokar þennan við­kvæma hóp frá lífs­nauð­syn­legum kjara­bótum með þessum jað­ar­skatt­i.“

Ragnar Þór spyr hvort hægt sé að hugsa sér skít­legra eðli.

Verð­tryggðu lánin „við­bjóðs­legt lána­form“

„Lífs­kjara­samn­ing­ur­inn féll hins­vegar síð­ustu ára­mót þar sem bann á 40 ára verð­tryggðum jafn­greiðslu­lánum átti að hafa tekið gildi. Þetta var fyrir kór­ónu­veiru­á­hrif­in!

Mál sem kostar ríkið ekki krónu en mun „hlúa að fjöl­skyld­um“ um ókomna tíð með því að banna þetta við­bjóðs­lega lána­form. Málið hefur legið í gísl­ingu í fjár­mála­ráðu­neyt­inu frá því að samn­ingar voru und­ir­rit­að­ir, útþynnt og gagns­laust með enda­lausum und­an­þágum sem gera öllum kleift að taka lánin áfram.

Bjarni segir að for­sendur rík­is­ins sem voru fyrir gerð lífs­kjara­samn­ings­ins, fyrir Covid áhrif­in, séu allt aðr­ar. Það er rétt hjá Bjarna en það er líka staðan hjá fólk­inu. Félags­mönnum okk­ar, skatt­greið­endum sem munu fá reikn­ing­inn fyrir millj­arða hund­ruðum sem fjár­mála­ráð­herra er að skrifa út í áhættu­sömum aðgerðum til fyr­ir­tækja á meðan aðgerðir er snúa að heim­il­um, örugg hlut­deild­ar­lán, eru fjár­magn­aðar með nið­ur­skurði á öðrum mik­il­vægum stuðn­ingi eða með því að halda lífs­kjara­samn­ings­frum­vörpum í gísl­ingu í fjár­mála­ráðu­neyt­in­u,“ skrifar hann.

Alinn upp við að standa við það sem hann segir

Ragnar Þór segir að það hljóti að vera Sjálf­stæð­is­mönnum áhyggju­efni hvernig þeir ætli að sann­færa kjós­endur um næsta lof­orða­pakka þegar þeir geti „ekki einu sinni staðið við hluti sem kosta ekki neitt né ættu að trufla þá við auð­valds­dekrið“.

Hann spyr enn fremur hvernig hægt sé að treysta fólki sem ekki orð sé að marka. Fólk sem svíki hluti sem skrifað hafi verið und­ir, lofað í orði og á borði.

„Ég veit ekki með ykkur kæru vinir en ég var alinn upp við að standa við það sem ég segi. Í það minnsta leggja mig allan fram við að efna þau lof­orð sem ég gef og standa við þær skuld­bind­ingar sem ég skrifa undir en ekki að vinna gegn þeim,“ skrifar hann.

Af orðum Bjarna má lesa að rík­is­stjórnin telji enga þörf á að efna sinn hluta lífs­kjara­samn­ings­ins vegna þess að stað­an...

Posted by Ragnar Þór Ing­ólfs­son on Wed­nes­day, June 24, 2020


Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Kostnaður við rekstur þjóðkirkjunnar greiðist úr ríkissjóði þar sem kirkjan og ríki eru ekki aðskilin hérlendis.
Prestar ósáttir við tillögu um að hætta að rukka fyrir hjónavígslur, skírnir og útfarir
Lagt hefur verið til að hætt verði að rukka fyrir aukaverk presta. Það þyki fráhrindandi að prestur sem þjónar fólki á gleði- og sorgarstundum sendi viðkomandi síðan reikning. Einkum sé þetta „slæm birtingarmynd þegar um efnalítið fólk er að ræða.“
Kjarninn 18. október 2021
Á meðal íbúða sem Bjarg leigufélag, sem er óhagnaðardrifið, hefur byggt og leigir nú út eru íbúðir við Hallgerðargötu í Laugarneshverfi.
Þeir sem leigja af óhagnaðardrifnum leigufélögum mun ánægðari en aðrir
Uppbygging almennra íbúða í gegnum óhagnaðardrifin leigufélög hefur aukið verulega framboð á húsnæði fyrir fólk með lágar tekjur. Leigjendur í kerfinu eru mun ánægðari en aðrir leigjendur og telja sig búa við meira húsnæðisöryggi.
Kjarninn 18. október 2021
Húsnæði Seðlabanka Íslands
Gagnrýnir skarpa hækkun sveiflujöfnunaraukans
Dósent í fjármálum við Háskóla Íslands segir mikla hækkun á eiginfjárkröfum fjármálafyrirtækja ekki vera í samræmi við eigið áhættumat Seðlabankans og úr takti við helstu samanburðarlönd.
Kjarninn 17. október 2021
Búinn að eyða 500 til 600 klukkustundum samhliða fullri dagvinnu í eldgosið
Ljósmyndabókin „Í návígi við eldgos“ inniheldur 100 tilkomumestu og skemmtilegustu myndirnar úr ferðum Daníels Páls Jónssonar að eldgosinu í Fagradalsfjalli. Hann safnar nú fyrir útgáfu hennar.
Kjarninn 17. október 2021
Þótt ferðamenn séu farnir að heimsækja Ísland í meira magni en í fyrra, og störfum í geiranum hafi samhliða fjölgað, er langur vegur að því að ferðaþjónustan skapi jafn mörg störf og hún gerði fyrir heimsfaraldur.
Langtímaatvinnuleysi 143 prósent meira en það var fyrir kórónuveirufaraldur
Þótt almennt atvinnuleysi sé komið niður í sömu hlutfallstölu og fyrir faraldur þá er atvinnuleysið annars konar nú. Þúsundir eru á tímabundnum ráðningastyrkjum og 44 prósent atvinnulausra hafa verið án vinnu í ár eða lengur.
Kjarninn 17. október 2021
Eiríkur Ragnarsson
Af hverju er aldrei neitt til í IKEA?
Kjarninn 17. október 2021
Karl Gauti Hjaltason er oddviti Miðflokksins í Suðvesturkjördæmi.
„Það er búið að eyðileggja atkvæðin í þessu kjördæmi“
Atkvæðin í kosningunum í Norðvesturkjördæmi „eru því miður ónýt,“ segir Karl Gauti Hjaltason, fyrrverandi sýslumaður og „vafaþingmaður“ Miðflokksins. „Það getur enginn í raun og veru treyst því að ekki hafi verið átt við þessi atkvæði“.
Kjarninn 17. október 2021
Gabby Petito
Verður morðið á Gabby Petito leyst á TikTok?
Margrét Valdimarsdóttir, doktor í afbrotafræði, segir enga ástæðu til að óttast breyttan veruleika við umfjöllun sakamála en mikilvægt sé að að gera greinarmun á sakamálum sem afþreyingu og lögreglurannsókn.
Kjarninn 17. október 2021
Meira úr sama flokkiInnlent