„Við erum að leita allra leiða til þess að koma í veg fyrir þetta. Þetta er ótrú­leg ósvífni af hendi Icelanda­ir. Van­virð­ing gagn­vart starfs­fólki og van­virð­ing gagn­vart þeim reglum sem gilda á íslenskum vinnu­mark­aði og þeirra sem ganga til samn­inga.“

Þetta segir Drífa Snædal, for­seti ASÍ, í sam­tali við Kjarn­ann þegar hún er innt eftir við­brögðum við því að stjórn­endur Icelandair hafi ákveðið að hætta við­ræðum við Flug­freyju­fé­lag Íslands og leita eftir samn­ingum við annan samn­ings­að­ila á hinum íslenska vinnu­mark­aði um fram­tíð­ar­kjör örygg­is- og þjón­ustu­liða hjá félag­inu. Öllum flug­freyjum og flug­þjónum verður sagt upp og þess í stað eiga flug­menn að taka að sér störf örygg­is­liða um borð tíma­bund­ið.

Drífa segir að sér sýn­ist stjórn­endur Icelandair ætli að þrýsta niður launum ein­hliða. „Þeir þurfa að svara því við hverja þeir ætla þá að semja því að það eru sann­ar­lega ekki flug­freyj­ur.“

Hún deildi frétt um málið á Face­book í dag og sagði með færsl­unni: „Ótrú­leg ósvífni. Þetta verður ekki lið­ið!“

For­stjór­inn segir ljóst að sam­talið fari ekki lengra

­Bogi Nils Boga­son, for­stjóri Icelanda­ir, sagði í til­kynn­ingu frá fyr­ir­tæk­inu að það hefði lagt allt kapp á að ná samn­ingum við Flug­freyju­fé­lag Íslands og „lagt í þeim til­gangi fram fjöl­mörg til­boð sem öllum hefur verið hafn­að. Með þeim kjara­samn­ingi sem felldur var af með­limum FFÍ gengum við eins langt og mögu­legt var til að koma til móts við samn­inga­nefnd FFÍ. Sá samn­ingur hefði tryggt ein bestu kjör fyrir störf flug­freyja og flug­þjóna sem þekkj­ast á alþjóða­mark­aði.

Tím­inn er á þrotum og við neyð­umst til að leita ann­arra leiða. Þessi ákvörðun er mér afar þung­bær en nauð­syn­leg þar sem ljóst er að sam­talið milli félag­anna tveggja fer ekki lengra. Það hvílir mikil ábyrgð á okkur sem stjórnum félag­inu að tryggja rekstur þess til fram­tíðar og því miður sjáum við ekki annan kost í stöð­unni en að fara þessa leið. Það er sárt að vera í þess­ari stöðu gagn­vart afburða­sam­starfs­fólki sem hefur staðið vakt­ina með félag­inu til fjölda ára, svo eftir hefur verið tek­ið,“ sagði hann.