Stað­fest virk smit af kór­ónu­veirunni eru nú orðin 39 hér á landi. Einn hefur verið lagður inn á sjúkra­hús með COVID-19. Til­fellum af COVID-19 hefur því fjölgað um tíu síðan í gær.

Í gær voru stað­fest smit 28 og af þeim höfðu átján ein­stak­lingar smit­ast hér á land­i. 

Í dag eru 215 manns komin í sótt­kví en í gær var fjöld­inn 187.

Kamilla Sig­ríður Jós­efs­dótt­ir, stað­geng­ill sótt­varna­lækn­is­, ­sagði á blaða­manna­fundi í dag að stór hóp­sýk­ing væri nú á suð­vest­ur­horni lands­ins sem hafi fimm aðskilda anga sem þó allir tengj­ast. 24 ein­stak­lingar telj­ast til þeirrar hóp­sýk­ing­ar. Þá eru fjórir ein­stak­lingar í annarri hóp­sýk­ingu.

Mjög margir af þeim sem greindust í gær voru í sótt­kví en ekki all­ir. Því er ekki vitað hversu margir endi í sótt­kví eftir dag­inn.

Ýmsar sam­komu­tak­mark­anir munu taka gildi á hádegi á morg­un. Þá mega aðeins 100 manns koma saman í stað 500 nú. Tveggja metra reglan verður tekin upp aftur og nú sem skil­yrði. Verði henni ekki við­komið skal fólk bera and­lits­grímur sagði heil­brigð­is­ráð­herra á blaða­manna­fundi í Safna­hús­inu í dag. 

Alma Möller land­læknir sagði að til þess að skimun á landa­mærum virki þurfi að skerpa á tvennu: Fólk verði algjör­lega að halda sig til hlés þar til nið­ur­stöður úr fyrri skimun hafa borist. „Við biðjum alla, ­meðal ann­ars aðila í ferða­þjón­ustu að þetta sé virt.“

Í öðru lagi fór hún yfir mik­il­vægi heim­komusmit­gát­ar. „Það er afar mik­il­vægt að fólk virði hana í hví­vetna,“ sagði Alma og benti á að ef það yrði ekki gert gæti þurft að breyta henni yfir í sótt­kví. Á meðan fólk bíður eftir nið­ur­stöðum úr seinni sýna­töku á það að halda sig frá vinnu, ekki fara á manna­mót eða í veislur ef þar eru fleiri en tíu manns.